【晴報專訊】無綫將於下月推出全新飲食節目《今晚請客》，「疫境廚神」黎諾懿會擔大旗與每集邀請的嘉賓大鬥廚藝，「味」分高下。早前疑牽涉政治風波的陳敏之亦會助陣。諾懿昨晚接受《晴報》訪問稱︰「依家日日匿喺廚房設計菜式，連同自己其他（包括網上）節目，短時間內要諗近50個餸！」

　　現時逢周一至五晚上，黎諾懿在劇集《C9特工》以Chok爆B3特工的身份與觀眾見面，加上他在疫情下頻頻於網上開Live做「教煮」，可謂人氣爆燈。

黎諾懿前日開Live教粉絲整日式漢堡扒，餸菜色香味俱全。（網上截圖）

　　去年諾懿在其首個主理的綜藝節目《懿想得到》中大展廚藝，廣獲好評。昨日有報道指，早前疑因牽涉政治風波而未能演出新劇的陳敏之，將夥拍這位新一代廚神主持飲食節目《今晚請客》，她在節目中會親自下廚做小朋友喜愛的簡單小食，這次是二人於今年四月在兒童節目《Think Big天地》任嘉賓後再合作。

諾懿經常在不同節目「露兩手」，是無綫新一代廚神。（網上截圖）

　　昨晚諾懿透露日內正式為《今晚請客》開工︰「暫時錄八集，預計一日要錄兩集，趕在11月前完成，但未知會否趕及台慶前播出。」他指今次終於可以明火煮食︰「最特別是錄影廠內搭建咗一個全實景廚房，絕對是TVB第一次！（節目預算大？）都幾好！平時搭建布景，錄完節目就會拆掉，但今次唔使拆，仲有新廚房，可以方便大家，日後其他飲食節目都可以再用！」

搵嘉賓唔預鄭伊健

　　諾懿直認要負責設計菜式，一集兩個餸，八集已經要諗16個餸，連同《疫境廚神》等其他節目，短時間內要諗接近50個餸菜，認真大壓力。他笑言︰「我唔可以同鼎爺（李家鼎）、三姐（名廚蕭秀香）呢啲老師傅比；我依家一直匿埋喺廚房，節目會安排我同嘉賓煮相同菜式比拼，所以要諗一啲容易煮但唔普通嘅餸，到時亦會教入廚實用技巧，會有講有笑，畀觀眾喺抗疫期間減壓。」

黎諾懿和陳敏之上次正式合作是去年拍攝旅遊節目《仨心友行》。

　　提到節目會邀請八位嘉賓，由於要找一些懂得下廚的藝人，因此諾懿的好友鄭伊健篤定落選，諾懿說︰「希望遲啲疫情緩和後，可以搵佢再拍《懿想得到》！」此外，對於今次將夥拍回歸幕前的陳敏之做主持，諾懿回應︰「我哋多年來合作唔少次，今次佢主要幫手切生果做輔助角色，大餸都係我搞。自己唔會理政見，亦無乜壓力！」