【晴報專訊】應屆港姐冠軍謝嘉怡前晚在《善心滿載仁愛堂》直播節目中呼籲捐款，但不諳廣東話的她突然「發台瘟」，最後疑似自責地爆粗，引來觀眾譁然。事後謝嘉怡否認爆粗，強調只是太緊張忘記台詞，又自認斯文不會講粗口。

謝嘉怡穿「氣球裙」行catwalk，一步一驚心。

　　謝嘉怡前晚聯同應屆港姐亞軍陳楨怡及季軍郭柏妍出席直播騷，打頭陣的謝嘉怡帶領一眾總理出場，她以半鹹半淡的廣東話說︰「群策群力，與愛同行，仁愛堂一直以來用愛…」她明顯太緊張而忘記對白，更真情流露地細聲說了疑似英語粗口，連身旁的男總理也驚訝地看著她，場面尷尬。

謝嘉怡（中）在台上疑似爆粗，有指同台總理十分錯愕。

　　不少網民在討論區表示聽到謝嘉怡「爆粗」，事後她解釋說：「嗰段口號好長，本來我背到好熟，點知好緊張。我係想講『服務有需要嘅人』，但講完個『服』字我就講唔到落去，嗰個字唔係英文粗口，而係一個中文字，平時我都好斯文，好少講呢啲嘢（粗口）！」不過無綫官網的節目重溫，竟將謝嘉怡講的「服」字加工「滅聲」。雖然開場時表現甩轆，幸好及後謝嘉怡穿上「氣球裙」行catwalk則十分淡定，她大呼好玩︰「我擔心啲氣球會爛，所以著晒打底衫褲，不過負責人話啲氣球坐唔爛嘅。」

李克勤為養家返內地開工

李克勤支持張敬軒及楊千嬅年底開騷。

　　同場的李克勤，表示看報道得知陳柏宇在疫情期間花掉過百萬老本養家，令他感同身受。克勤坦言今年在港近乎零收入，稍後回內地工作，即使來回要隔離28日也無可奈何：「大仔問我可唔可以唔去，我就問佢『咁你食乜？係咪唔開生日會吖？』太太（盧淑儀）唔想我走咁耐，但無辦法。（花掉過百萬老本？）我有兩個小朋友，仲有隻狗，不過呢啲無得比，好多業內人士都好慘。」