【晴報專訊】近日盛傳馮盈盈鍊贏張曦雯（Kelly），成為舊老闆「殼王」陳國強的新寵，因此盈盈忽然富貴住豪宅，兼大曬價值20萬元的名牌袋。昨晚盈盈出席《萬千星輝賀台慶》，自言心情未受影響，但家人卻為負面報道不開心。

馮盈盈自誇為台慶減肥成功，現時擁有22吋纖腰。

　　馮盈盈、張曦雯、李佳芯、陳豪及袁偉豪等花旦小生，昨晚齊集將軍澳電視城賀台慶。一眾藝人在三廠接受傳媒訪問，期間多人無佩戴口罩，亦沒有保持安全距離，防疫意識甚低。身穿露肩連身裙的盈盈，被問到心情可有受負面新聞影響？她說︰「無話令自己唔開心，只係估唔到自己嘅新聞價值咁厲害，但屋企人唔開心，我反過嚟安慰佢哋。頭先返公司不停有同事問候我，搞到我以為自己有病，仲有人問我有無拎個幾十萬嘅手袋返嚟。」

張曦雯曬長腿吸睛

張曦雯支持馮盈盈自己搵錢自己使。

　　盈盈昨晚未有與張曦雯碰面，不過她揚言見面也不會尷尬。提到Kelly力撑盈盈努力工作，盈盈亦大讚對方是女神，工作又專業。另外，盈盈直認「加簽」無綫十年：「我一早預咗將青春放喺演藝事業，仲要好大決心，好多朋友都支持我。」至於Kelly昨晚穿上由英國空運抵港的毛毛流蘇裙，大曬長腿，相當吸睛。Kelly昨晚再次支持盈盈：「盈盈賺到錢買貴嘢畀自己好叻，而且佢都解釋咗手袋係爸爸送。」

陳豪家中有大有細，為免家人染疫，會盡量避免除口罩。

李佳芯昨晚密實上陣，笑言做番自己。