【晴報專訊】無綫《萬千星輝頒獎典禮2020》昨晚圓滿結束，《踩過界II》王浩信以「盲俠」一角第二度封帝，兼贏得大馬視帝連中兩元；蔡思貝亦憑《踩過界II》「癲姐」首度稱后。

王浩信在台上感謝老婆時，台下的陳自瑤竟聽到黑面。

陳自瑤低胸露腰上陣，盡見女人味。

　　王浩信昨晚擊敗《殺手》黎耀祥及《使徒行者3》林峯等人封帝，特地趕回港領獎的他在台上激罕感謝太太陳自瑤︰「多謝YoYo（陳自瑤），多謝你非常悉心照顧個女！」但台下的陳自瑤竟然黑面，事後她解釋只是分心。視后方面，蔡思貝力壓《使徒3》黃智雯得獎，思貝說︰「三年前第一次獲『我最喜愛電視女角色』，我喺台上講過連自己都唔鍾意自己，三年來自己成長同經歷咗唔少！」而《反黑路人甲》榮獲最佳劇集等多個獎項，加上大馬「最佳劇集」，合共七個大獎成為大贏家。

蔡思貝17年憑「癲姐」贏「最受歡迎電視女角色」，昨晚再贏視后。

白彪致辭唔肯落台

連奪兩獎的龔嘉欣，感激《殺手》的打女角色令她突破演技。

張振朗激動落淚，感激《反黑路人甲》拍檔對演戲的熱誠。

　　賽前大熱龔嘉欣雖然失落台慶視后，但憑《香港愛情故事》得「最受歡迎電視女角色」，以及憑《殺手》贏得大馬視后。張振朗由去年「飛躍進步男藝員」成功升呢，憑《反黑路人甲》高彬一角獲「最受歡迎電視男角色」，他眼濕濕稱︰「希望明年感染多啲身邊人鍾意演戲！」

白彪（右）及賴慰玲分別獲最佳男、女配角。

　　至於《反黑路人甲》賴慰玲奪「最佳女配角」，她感謝恩師羅冠蘭︰「你成日覺得恨鐵不成鋼，不過都介紹我去面試《女人俱樂部》！」白彪憑《香港愛情故事》市井老竇「大聲公」拿下最佳男配角，他致謝辭講足幾分鐘，更自嘲︰「今次唔係白彪，係奪標！」最後要司儀鄭裕玲出手邀請他落台。昨晚頒獎禮安排致敬環節，由胡定欣唱《明星》悼念離世的李香琴、譚炳文及曾偉權等多位演藝人。此外，汪明荃昨晚在台上為同事們爭取加薪︰「如果環境好啲，疫情退咗之後，TVB可唔可以加少少人工畀我哋，鼓勵一下大家！」台上藝員齊齊拍手叫好。

《愛．回家之開心速遞》奪得「萬千光輝演藝大獎」，是首次有劇集獲得此獎。

朱敏瀚喊住贏「飛躍進步男藝員」

蔣家旻與朱敏瀚在《反黑路人甲》中同樣有出色表現。

　　朱敏瀚與蔣家旻昨晚分別獲得「飛躍進步男、女藝員」獎，宣布自己得獎的朱敏瀚，在台上忍不住哽咽說︰「我好細個就已經鍾意電視撈飯，對我影響好大，希望每家每戶都可以延續電視撈飯嘅習慣。」蔣家旻亦感動說︰「我喺《反黑路人甲》飾演嘅『水姐』，知道如果做得好，就係我人生轉捩點，多謝大家接受我呢個角色。」

朱敏瀚在台上被馮盈盈摸胸抽水。

　　兩人在後台互相攬攬道賀，朱敏瀚坦言得獎非常驚喜︰「估唔到打開信封讀番自己個名，本來諗住係羅天宇攞。我都好戥蔣家旻開心，因為《反黑》呢套劇改變咗好多人，發掘演員另一面，擴闊大家嘅戲路。」他又表示會向身在台灣的女友余思霆報喜。

馮盈盈唔去舊愛婚禮

馮盈盈對前度爆婚訊，表現平靜。

　　馮盈盈的醫生舊愛鍾文浩傳本月尾結婚，盈盈昨晚在頒獎禮紅地氈上，有備而來說：「我一早知，衷心祝福佢踏入人生另一階段，我未見過佢未婚妻。」可有獲邀出席婚禮？她只說：「嗰日有嘢做去唔到，佢知我好忙。」

李佳芯開劇壓力大，導致俏臉出紅疹。

　　同場的李佳芯（Ali）盛傳與男友陳炳銓分手，並已搬離愛巢，她強調與男友關係無變：「我哋有見面。（搬咗屋？）係，因為要開劇，所以搬近市區。」而蜜運中的湯洛雯腰肢粗壯不少，但獲男友馬國明大讚勁fit，令她甜在心頭。

幸福肥的湯洛雯獲馬國明大讚好攬。