【晴報專訊】前港姐李思雅（Cindy）在IG大爆早前帶愛犬Quirky到動物醫院洗牙，獸醫將Quirky麻醉後，指狗狗牙石太多而為牠剝了17隻牙，手術後Quirky竟失去視力。Cindy昨午回覆《晴報》指，不忿愛犬無辜失明︰「呢段時間問咗好多獸醫意見，只希望醫院承認錯誤！」

　　李思雅日前在IG發帖呼籲各動物主人，不要光顧元朗某動物醫院。她表示無綫節目《東張西望》曾報道該店的醜聞，她的11歲愛犬Quirky也深受其害。她透露早前攜愛犬去洗牙，但醫生在洗牙前已游說她買一堆配方糧，結果Quirky被全身麻醉後，她聽從獸醫意見，同意為Quirky剝17隻牙，但最令Cindy心痛的是，Quirky疑因手術失血過多，導致眼神經視網膜受損而失明。

Cindy過往經常攜同Quirky行山，愛犬一向視力正常。（IG圖片）

　　Cindy內疚說：「手術前我攜狗狗行山，當時牠完全睇到嘢，視力正常無問題！點知做完剝牙手術，兩隻眼完全盲咗！我真係好唔安樂，以為（剝牙）只係小事，無再去多幾間寵物醫院查詢，點知睇咗間黑店，我都有責任。」她上載Quirky多張手術後的近照，明顯變得悶悶不樂。

　　昨午Cindy透露，事件發生在去年12月中︰「我問咗好多其他獸醫意見，好多都話手術時間太長，失血過多，令眼神經出現問題致盲，我唔敢100%肯定，但其實佢可能唔使剝17隻牙。我有向醫院更新Quirky情況，但佢哋唔承認有問題，只強調剝牙同盲無關係！公開事件希望醫院方面承認錯誤！」Cindy心痛說︰「Quirky雙眼已經白咗，盲咗點樣變番唔盲？」

公開事件冀減受害者

Quirky下顎牙齒全失後食慾不振，十分可憐。（IG圖片）

　　她重申，希望貓狗主人小心免「中伏」︰「我初時都唔知，原來《東張》報道過呢間醫院，我先知中招。因為剝牙逐隻計錢，呢啲無良醫生想賺錢！」Cindy指愛犬下顎牙齒已全剝，僅剩上顎四隻牙，現時進食也有問題︰「嘢食會黐住佢牙罅，好唔舒服，獸醫話佢腎有事要食配方糧，但味道又較差，所以佢好唔鍾意，要成日氹佢食嘢！」