【晴報專訊】吳若希（Jinny）的老公何兆鴻（Alex）前日35歲生日，去年尾誕下細仔後專心相夫教子的Jinny特別為老公慶祝，不過大懵的她竟然記錯老公歲數，事後被Alex在社交網「公審」，曝光兩公婆的對話內容，認真搞笑。

吳若希和老公Alex經常在社交網耍花槍，閃盲不少網民。

　　吳若希與老公Alex本身育有三歲多的大女淼淼，去年11月再誕下細仔Kylian，組成四口幸福之家。前日是Alex的35歲生日，經常在社交網「公審」老公的Jinny，不知是否中了坊間「一孕傻三年」的傳說，竟然記錯老公歲數。

Alex展示「34」蠟燭踢爆老婆「無心肝」。（IG圖片）

　　Alex這次難得捉住Jinny「痛腳」，立即在社交網上載插上「34」蠟燭的生日蛋糕照片，搞笑留言說：「好老婆系列︰當老婆攞個蛋糕出嚟嘅時候，我問點解唔係35嘅？老婆︰『35咩？我明明計2020係34』，我︰『依家係2021喎』，老婆︰『34+1，所以個蛋糕就變咗34+1』。我愛你呀老婆#可唔可以比番個+號我？」

減肥成功即呃Like

呻肥的吳若希現時已瘦了不少。（IG圖片）

　　事後有網民留言支持Jinny，「勸喻」Alex說：「唔好咁多要求啦！小心出年無得食」、「湊兩個好忙，仲記得你生日算係咁」。另外，Jinny近日努力運動瘦身，她日前po出穿上運動裝、露出小蠻腰的相片，明顯減肥有成績。不過她留言說︰「發現沒有一種運動不辛苦～跑步又悶又凍，瑜伽平衡唔到，跳舞啲筋又硬。媽咪呀，做人可唔可以唔好咁辛苦？#人生#呻完繼續做。」陳煒留言大讚她︰「瘦晒啦。」Jinny回覆說︰「其實post相都係為咗呃你呢句。」