【晴報專訊】湯盈盈、單立文、劉丹及林淑敏等一眾《愛•回家之開心速遞》演員，昨日「紅噹噹」打扮出席宣傳活動，提早慶賀農曆新年。湯盈盈好友曾志偉即將回歸無綫出任高層，盈盈忍不住大爆志偉有機會再開拍新一輯《獎門人》。

湯盈盈與劇中「Baby」單立文，提早向觀眾拜年。

　　《愛•回家》演員昨日以賀年打扮現身，蘇韻姿、周嘉洛及吳偉豪即場表演醒獅獻技，眾人又合力轉動風車，祈求新一年好運來臨，又代表劇集送上新年祝福，場面非常熱鬧。湯盈盈雖然作風洋化，不過她十分重視農曆新年，她說：「我跟媽咪學整盆菜，之前完全未整過，又同小朋友一齊包水餃同搓湯圓，其實我兩個女從來未食過湯圓，所以佢哋覺得好新鮮。」

曾志偉將出任無綫高層。

　　提到好友曾志偉即將回歸無綫出任副總經理，有傳志偉將於農曆新年前上任，盈盈說：「我聽到都好似係。」她指只要志偉有需要，嘉樂會盡量幫手，提到外間關心志偉會否開拍新一輯《獎門人》，她爆料：「我偷聽到有提過，希望到時疫情好轉啦，可以一班人出trip玩，我練定身手同啲後生女玩遊戲。」她表示當年與嘉樂因拍攝《獎門人》撻著，所以節目特別有意義。

《愛．回家》演員昨日大玩醒獅表演，喜氣洋洋。

想去片場見劉德華

　　問到老公錢嘉樂是否在內地開工？盈盈表示嘉樂一直在港︰「之前老公本來打算返大陸開工，但我同佢講一來一回又要隔離，有排都見唔到，叫佢唔好去，不過嘉樂喺香港都有工作，過年後應該會開工。」盈盈指嘉樂在港時教囡囡學中文，又帶女兒行山，問嘉樂是否準備開拍劉德華有份主演的英皇新片《金手指》？盈盈即說：「我想去片場探班見華仔，我做茶水都得，不過老公唔畀，佢驚我失禮。」

許家傑及林淑敏齊齊戴上可見嘴型的口罩。