【晴報專訊】41歲的胡杏兒昨午宣布在復活節前誕下重八磅多的細仔李奕宏（Liam），成功為老公李乘德（Philip）生下三位公子，更決定「收山」封肚。杏兒坦言沒想過細仔會是巨B︰「Liam好大隻！」

　　胡杏兒於17年及19年分別誕下長子李奕霆（Brendan）及次子李奕霖（Ryan），不過她未有放棄幕前工作，去年四月先拍攝ViuTV劇集《熟女強人》，其後更北上內地出戰真人騷《演員請就位2》，最終拿下冠軍寶座，更自揭拍攝該節目時已懷有第三胎，果然是專業演員的典範。昨午一時許，杏兒公布喜訊，原來她在復活節前已誕下細仔，她在微博發相兼留言︰「是的！又是男孩，Liam李奕宏來了！」

杏兒懷孕時不忘勤力工作搵奶粉錢。

生三個夠晒數

大哥Brendan及二哥Ryan見到細佬Liam非常好奇，兩位必定是好哥哥。（IG圖）

大哥Brendan及二哥Ryan見到細佬Liam非常好奇，兩位必定是好哥哥。（IG圖）

　　杏兒受訪時透露與Liam已在家中休息，形容細佬的樣子是大哥和二哥的混合體，BB的中、英文名也是老公Philip的主意。提到生產過程，杏兒稱︰「BB順產，重八磅幾，自己無諗過咁重，因為佢都好大隻，生佢有少少辛苦，老公都有陪我入產房，一切順利！」她又感恩說︰「希望BB健康、快樂成長，生咗三個都要收山了，其實生男或生女都無所謂，始終需要時間照顧、教導，陪伴孩子！」杏兒又透露，Brendan和Ryan對弟弟Liam大感好奇，爭相觸摸及錫錫細佬，果然兄弟情深。

李乘德湊B有排忙

Philip接太太及細仔回家，整個復活節假期都忙於湊B。（IG圖片）

　　杏兒老公Philip亦於IG曬出手持BB籃的父子「合照」，並披露細仔英文名Liam有「堅決的保護者」意思，中文名則按族譜改，三位兒子名字中間都有「奕」字。Philip更以英文譯音戲言「真係有排忙喇」，難掩再為人父的喜悅。此外，陳山聰、姚子羚昨日出席活動，對老友杏兒誕下第三胎表現興奮。子羚說︰「其實佢（Liam）係一個大件頭BB，我都知杏兒今胎生得好辛苦，但係值得嘅。」此外，杏兒多位圈中好友陳敏之、黃智雯及周勵淇等也在IG留言恭喜。

一家五口大曬手仔「全家福」，構圖溫馨。（IG圖片）