【晴報專訊】張智霖（Chilam）與張繼聰在為電影基層人員籌款的新片《總是有愛在隔離》中，上演一幕肉騰騰見面戲，二人互搽蘆薈油，更高唱大熱兒歌《Baby Shark》，考起這兩位星級爸爸。

Chilam（左）與張繼聰在戲中半裸相擁勁溫馨。

　　對於半裸搽油，張智霖直言︰「幫人按摩唔容易，特別阿聰（張繼聰）啲肌肉咁厚，真係每個行業都有艱難嘅地方。」阿聰則說︰「好在同Chilam熟，如果同無咁熟嘅人，可能會就住。」他們拍一場焗桑拿戲，大呻浸熱水池浸足半日，阿聰說︰「我覺得我哋好似打邊爐入面嘅雜菜，出晒煙！」Chilam坦言浸到暈暈哋，也替浸住熱水拍攝的幕後人員辛苦。

張繼聰以「飛毛腿」夾實Chilam。

　　至於唱兒歌《Baby Shark》逗小朋友，兩人異口同聲表示十分困難，阿聰說︰「身為歌手，唱開複雜嘅歌，要唱簡單旋律係有難度；Chilam辛苦啲，佢無乜點聽過呢隻歌，我聽呢隻歌已經聽咗過億次！」