17/08/2021
姜濤Anson Lo 曬麒麟臂做「籃神」 網民︰鏡仔終於有夏天
【晴報專訊】近日麥當勞邀得男團MIRROR成員姜濤、盧瀚霆(Anson Lo)及呂爵安(Edan)合作,拍攝大姜真愛《男兒爭入樽》宣傳片。鏡仔平日出名「無夏天」,在酷熱天氣下仍以厚厚冬裝示人,但他們在預告片中激罕穿背心球衣曬麒麟臂,令姜糖(姜濤粉絲)、神徒(Anson Lo粉絲)及爵屎(Edan粉絲)心心眼,高喊「籃神」們正到暈!
MIRROR在炎夏多數以厚衫示人。
宣傳片將於後晚十時於麥當勞YouTube頻道首播,預告片所見三位MIRROR成員化身籃神爭做主角,Edan「入樽」曬腋毛,Anson Lo一改靚仔教主形象,首度展現勁浮誇驚訝表情,他更惡爆警告眾人「出街小心神徒」,與平日暖男性格相反;愛打籃球的姜濤則奉旨大顯身手,迷暈一眾鏡粉。
神徒大讚從未見過如此萌爆的Anson Lo。(影片截圖)
Edan扮入樽時七情上面。(影片截圖)
背心Look極犯規
「姜Son CP」拖住手仔爭波,充滿純純的愛。
不過,最破格可算是三人穿籃球衣激罕展現「老鼠仔」派福利,令睇慣他們穿冬裝的粉絲紛紛派like。姜濤笑說︰「今次可謂寓工作於娛樂,可以一邊拍廣告,一邊同成員打籃球,絕對係難能可貴嘅經驗!」另外,MIRROR成員柳應廷(Jer)落實參演彭秀慧執導的新片,與姜濤齊齊獻出大銀幕第一次,他指姜濤是自己的定心丸:「我本身慢熱,好彩有姜濤喺度,平時大家比較熟,一齊練習傾偈,會緩和彼此嘅緊張。」Jer更剪去一頭標記曲髮,以新形象拍戲。
Jer變髮後,自誇看來比姜濤年輕。(IG圖片)
轉載自: 晴報
全新節目《說說心理話》青少年不可以戀愛!?真實個案講述驚心動魄經歷► 即睇