• |
  • 極速報價
  • |
  • 會員
  • 產品服務 / 串流版
  • 設定

17/08/2021

《聲夢》開騷壓力大 炎明熹自爆飽受失眠困擾

  • 加入最愛專欄
  • 收藏文章

  【晴報專訊】《聲夢傳奇》15位學員的一連四場演唱會前晚圓滿結束,炎明熹(Gigi)、姚焯菲(Chantel)及鍾柔美(Yumi)等一眾學員落力演出,不過Gigi自評表現僅僅合格,只得16歲的她更因壓力太大導致失眠,又笑言演唱會完結後要趕工做暑期功課。

 

炎明熹(左三)笑言到了演唱會尾場,懂得跟觀眾有更多交流。

 

  炎明熹與鍾柔美前晚分別與導師衛蘭合作,Yumi在台上搞笑爆料,指平日學員多數以英文短訊與衛蘭溝通,唯獨Gigi的短訊讓衛蘭「睇唔明」,Gigi坦言因不擅長說話加上英文麻麻,所以要靠繙譯,Yumi笑說:「果然火星文得Gigi先睇得明。」

 

何晉樂公開向女友示愛

 

(左起)姚焯菲、鍾柔美、詹天文及炎明熹跳唱時大曬長腿。

 

  Gigi完騷後受訪,表示唱足四場令她幾乎失聲,又自爆由比賽完結到開騷前,一直備受失眠問題困擾:「就嚟演唱會就覺得『死啦』,諗咗好多方法都瞓唔到,每朝姑丈拉我去跑步練氣。」她自評表現只得50、60分:「總括嚟講表現有少少失誤,不過尾場畀多五分,因為同觀眾多咗交流。」失眠與入行壓力大有關?她笑說︰「我都唔知壓力嚟自邊度,可能太多嘢諗,每晚一瞓就有好多音樂喺腦海游嚟游去,不過最近屋企人買咗補健品畀我食。」她笑言完騷後最想回家休息,接着便要為準備拍新劇《青春本我》,以及趕做暑期功課:「功課未做晒,但暑假已經所餘無幾,要加快速度完成。」

 

何晉樂拖實Gin Lee合唱,笑言台下女友夠大方不會呷醋。

 

  另外,學員何晉樂(Rock)早前在《聲夢》決賽唱《天黑黑》表現失準,他前晚拖住導師李幸倪(Gin Lee)的玉手再度合唱此曲,成功一雪前恥,他們更感動得流下開心淚水。Rock表示比賽落敗後,Gin Lee特意致電講足兩個鐘鼓勵他;他亦乘機公開答謝台下的女友:「比賽期間,我女朋友好支持我,佢為人比較低調,但好多謝佢咁包容我,I love you baby!」Rock事後表示女友在場睇騷,他想在台上鄭重多謝女友:「浪漫啲嘛!佢喺背後幫咗我好多,佢會遷就我比賽,又煲湯畀我飲。」

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ