• |
  • 極速報價
  • |
  • 會員
  • 產品服務 / 串流版
  • 設定

16/09/2021

陸永 笑匠演員的路

  • 加入最愛專欄
  • 收藏文章

  【晴報專訊】入行逾20年的陸永,由音樂組合農夫轉戰無綫擔任主持及拍劇,早前同時有《智能愛人》與《七公主》在熱播,在《智》劇中更首次孭飛做男一,角色充滿喜感,然而陸永卻謙稱其搞笑演技有待進步,就連對獎項亦無慾無求,39歲的他竟自嘲,「我中年㗎喇,仲恨咩啫!」

 

 

  當年陸永與鄭詩君(C君)以音樂組合農夫入行,二人同樣富創意又鬼馬,加入無綫後獲得不少演出機會,C君日前更獲欽點擔任無綫J2台創意總監一職,如今兩人在圈中都能獨當一面;而陸永在《智》劇中亦發揮出超水準,與視后李佳芯飾演的機械人譜出浪漫愛情,但又不失搞笑,「都算係開正我嗰範,好切合我喺大家心目中嘅形象,總之縮骨、古惑、貪少便宜、衰格嗰啲實係搵我演,都係我演開嗰啲,唔係就唔會搵我。」

 

盼有周星馳副身家

 

  大部分演員都希望挑戰不同角色,若果被角色定型,將來在演藝路上就很難有突破,但陸永卻恰巧相反,希望朝住笑匠之路進發。「如果監製想發掘我另一面演技,我覺得未需要住,因為我搞笑呢方面都未做得好,就算係好笑,都未去到好好笑,唔係想突破,而係想進步同鞏固個演技,即係你有幾搞笑啫?你唔使突破住,人哋都未真係覺得你好搞笑。」

 

陸永十分欣賞棟篤笑始祖黃子華,更以對方為目標。

 

  不覺得自己搞笑?「唔係太搞笑囉,可以接受,可以再做好啲!我心目中最搞笑嘅藝人係周星馳、黃子華,我絕對想做到有佢哋嘅『身家』,但唔係想去到嗰個地位,每個人嘅地位係屬於嗰個人嘅,無嘢係一樣嘅,就算同佢身家一模一樣,你都唔係佢個地位,佢有好多樣嘢去組成佢個地位,但身家易諗,一個數字咋嘛。」

 

觀眾喜歡便是肯定

 

陸永和李佳芯在剛播畢的劇集《智能愛人》中大團圓結局。(電視截圖)

 

  做男主角壓力好大?「完全無,我唔會因為做咗個咩角色就有壓力,但如果自己演得唔好,就算做男配角都有壓力,唔使做主角㗎,衰就衰㗎啦!亦都唔會話做男主角先特登努力,唔會㗎嘛!」幸運地在劇中飾演男一,而且觀眾口碑不俗,陸永對獎項可有憧憬?他想也不想便說,「完全無啦,獎項唔係目標,原本已經唔係為咗男一所以拍劇,拍劇亦都唔係攞視帝,畀我都奇怪啦!」不少演員都恨攞獎獲肯定,但陸永卻不在乎,「如果想畀人肯定,觀眾睇完話鍾意咪肯定囉,唔使一定要獎項,我過咗需要呢種肯定嘅年齡,我中年㗎喇,仲恨咩啫,唔需要呢啲。」

 

農夫和鄭裕玲合作無間,三人主持的節目曾在台慶頒獎禮獲「最佳節目主持」。

 

  平時做節目經常牙擦擦,但陸永講到工作時就變得戰戰競競,「我唔係對自己無信心,而係唔好太自滿啫,有無人讚過我?有,Do姐鄭裕玲成日都讚我同C君㗎啦,佢淨係喺鏡頭前踩我哋,背後就讚我哋,呢啲先係最好嘅前輩。」

 

暖男爸爸陸永視兩位寶貝女為掌上明珠。

 

轉載自: 晴報

全新etnet健康網購,送你【健骨維他命D3(1000IU)】乙樽(價值$108)► 立即行動!

我要回應

你可能感興趣

放大顯示
師傅靈靈法

精選文章

  • 生活
  • DIVA
  • 健康好人生
專業版
HV2
精裝版
SV2
串流版
IQ 登入
強化版
TQ
強化版
MQ