• |
  • 極速報價
  • |
  • 會員
  • 產品服務 / 串流版
  • 設定

11/08/2022

與黎明16歲女新人零代溝 黃夏蕙親授情場秘笈

  • 加入最愛專欄
  • 收藏文章

  【晴報專訊】將於今午離港移居美國的黃夏蕙(夏蕙BB),早前聯同黎明旗下女新人Sophia(雅荍)及Apple,為毛記電視節目《圍爐取戀》任嘉賓,節目將於明日發布。期間,夏蕙BB分享多年來縱橫情場的經驗,但她竟反對兩位同樣未拍過拖的少女闖情關︰「佢哋16歲太細個,點拍拖呀?」

 

夏蕙BB與Sophia(右)及Apple年紀差距大,但戀愛態度十分一致。

 

  黃夏蕙早前與同為16歲的Sophia(雅荍)及Apple,參與網上節目《圍爐取戀》。雖然三人年紀相距73年,但兩嫩一老的組合齊齊暢談學生時代的戀愛態度;兩位少女穿上校服上陣,夏蕙BB亦大方以校服look示人,非常玩得。Sophia及Apple在節目中對答如流、頭頭是道,但原來兩人皆未嘗過戀愛滋味,Sophia更表明︰「最好唔好拍拖,期望愈大失望愈大。」而Apple則坦言想拍拖。不過,身為情場老手的夏蕙BB竟向她們大潑冷水︰「佢哋16歲太細個,點拍拖呀?不過少女個個都咁靚,有邊個唔想被人追呀?」

 

現實中的Sophia(右)及Apple仍是中學生,舉手投足盡見青春氣息。

 

Sophia索簽名被玩

 

  難得與夏蕙BB同場,Sophia對這位前輩讚不絕口︰「佢好平易近人、好親切、好舒服,仲好貼地!因為我拎咗本書畀佢簽名,佢好好笑咁話簽到手軟,老人家原來都可以開玩笑。」Apple亦大讚與夏蕙BB無代溝︰「雖然我哋年紀有距離,但佢好似啱啱成年咁,完全無代溝。」

 

離別依依的夏蕙BB難捨香港的人與事,盼留港年輕人繼續努力追夢。(FB圖片)

 

  另外,移居美國的夏蕙BB今午離港,昨晨她在FB撰長文,分享臨別秋波的感受,除了感激經理人在其低潮時期的陪伴,亦勉勵年輕人︰「祝願香港社會未來棟樑嘅每一個人,身體健康!生活愉快!有緣再見!」

 

早前Sophia單飛為連鎖咖啡店拍廣告。(資料圖片)

 

 

轉載自: 晴報

【全城爆炸「性」節目】《男男女女.嘉點情趣》由美女DJ及教授以客觀開放角度談性談愛、談情談趣。 ► 立即觀看

我要回應

你可能感興趣

放大顯示
風水蔣知識

職場新常態

精選文章

  • 生活
  • DIVA
  • 健康好人生