• |
  • 極速報價
  • |
  • 會員
  • 產品服務 / 串流版
  • 設定

15/02/2018

林鄭第一次以特首身分拜年 風格平實睇得舒服

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  轉眼間就年三十,今年係政長官林鄭月娥第一次以行政長官的身分同市民拜年,今日佢就發表咗農曆新年賀辭,亦都如前任其他CE一樣,拍埋片做足成個PACKAGE。祝願香港社會在新的一年百業興旺、和諧共融、力求創新、再創輝煌。不過同前任CY有啲唔同嘅係,林鄭冇大Sell 溫情,大堆頭大製作,反而製作平平實實,仲趁狗年同大家Sell下寵物情。

 

兩人衣著都有別於傳統紅噹噹,可以話顏色頗為樸素。

 

唔要紅噹噹 林鄭藍色旗袍加白大褸同你拜年

 

  林鄭一開頭喺片入面話,農曆新年是中國人最重視的節日,雖然佢跟大家一樣,平常好忙,但每到新年都會抽時間辦年貨和佈置家居,感受節日氣氛。Jenny覺得可能林鄭要顧及大埔奪命車禍死傷者家屬感受,所以主要都係影下市民行花市嘅片段,唔見舞龍舞獅,大鑼大鼓嘅片段。而林鄭同老公只喺片段最後出鏡,兩人衣著都有別於傳統紅噹噹,可以話顏色頗為樸素,林鄭藍色旗袍加白色大褸,老公林兆波就黑西裝配綠色呔。

 

三隻狗狗加警犬粉墨登場 Sell寵物情

 

  香港有唔少人當唔止當狗仔係寵物,仲當佢哋仔女咁鍚,雖然我哋香港嘅第一家冇「第一狗」,但林鄭都在片後中段就大Sell下寵物情,大讚狗忠誠又善解人意,一向是我哋好朋友,仲搵咗三隻狗狗粉墨登場喺禮賓府草地上面嬉戲添。

 

  佢仲特別提到警隊入面嘅警犬,配合埋片入面警犬表演身手嘅英姿,再讚警犬係警察嘅好拍檔,盡忠職守,協助警察維持治安,等大家可以安居樂業。

 

  而Jenny在此亦同林鄭一樣:「祝大家萬事如意、身體健康、新年進步!」

 

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生