唔知大家仲記唔記得「鳳袍加身」嘅商務及經濟發展局常任秘書長（通訊及創意產業）利敏貞呢？Jenny諗起佢上次嗰身打扮，簡直係創意嘅典範！小妹都想唱返首朝偉嘅首本名曲《你是如此難以忘記》呀！Jenny身邊唔少姊妹對佢嘅動向都非常留意！

據聞利常秘仲有好多大花花同誇張pattern嘅衫。

利常秘調去工商及旅遊科

　　今日利常秘有新消息喇！政府公布咗新嘅高層人員調動，利常秘將會由通訊及創意產業科，調去工商及旅遊科，不過都仲係商經局嘅人；而佢本身嘅職位就由而家嘅香港駐美國總經濟貿易專員梁卓文接任，調動會喺下個月12號生效。

　　品味一直都咁有「創意」嘅利常秘要調職，簡直係通訊及創意產業科嘅損失！Jenny估接任嘅梁專員都會頭痕，話晒利常秘之前係以自己副Body、親力親為咁推廣「創意」，作為佢嘅接任人都應該幾大壓力！

向外國人展示獨特嘅HK Fashion？

　　相信唔少讀者都好想知利常秘換咗位之後有咩做㗎啦！Jenny就幫大家Check咗喇！原來工商及旅遊科要管對外商貿關係、促進外來投資、旅遊、便利商貿、保護知識產權同埋保障消費者的權益等等，唔少範疇都係要接觸外國嘅。以利常秘咁資深嘅經驗實難唔到佢嘅，不過Jenny就希望外國人唔好對香港嘅Fashion有咩誤會啦……