• |
  • 極速報價
  • |
  • 會員
  • 產品服務 / 串流版
  • 設定

10/09/2018

港產片的未來就係只得合拍片?

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  喺八、九十年代嗰時,可以話係港產片最輝煌嘅時代,Jenny求其數都可以數到幾十套經典電影同人物;不過去到而家,大家對一上次睇嘅電影係港產片定係外語片呢?唔使話畀Jenny知喇!大家心照!

 

 

 

香港電影業還有多少「香港」?

 

  到底點樣先可以令香港電影業重拾舊時嘅光輝呢?團結香港基金高級研究員水志偉(Kenny)就同Jenny講,話要透過政策倡議,令香港電影業再創高峰喎!

 

  嗱!Kenny就話,其實香港電影嘅全球市場票房分布中,內地就佔咗其中嘅96%;而合拍片佔內地票房有成十幾至廿幾%,而港產片得零點幾%,所以拍中港合拍片比起純港產片更收得、為香港電影業帶嚟更多機遇,仲提議而家大灣區咁Hit,一於就同大陸聯手搞返個「華南電影製作中心」添!

 

「大灣區人」?「大灣區片」?

 

  之但係,中港合拍片一直都有要求,就係要套戲入面要有三分之一以上嘅內地演員,同埋要包含內地元素等等。如果真係好似團結香港基金咁「面向大陸」,Jenny就覺得同純港產片都係有一段距離……到時唔通又係「我們都是大灣區人,港產片都是『大灣區片』」?

 

  Kenny就話,佢哋都有喺建議度提到,希望政府幫拖向內地爭取放寬合拍片要求,而且合拍片先至可以有更多空間,向大陸輸入更多香港元素喎!不過,面對住內地咁大個市場,到底係我哋輸出到幾多香港元素出去呢?Jenny其實覺得有時好睇嘅電影唔需要大場面、大卡士、大製作,有心最重要!

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生