• |
  • 極速報價
  • |
  • 會員
  • 產品服務 / 串流版
  • 設定

05/11/2018

消防新吉祥物「任何仁」 騎呢藍身緊身衣一出變網紅

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  是他也是你和我,今日星期一,唔知係咪消防處知大家今日Blue Blue地,特別同大家介紹佢哋新出嘅、又係藍藍地嘅吉祥物「任何仁」,即刻掃走Jenny嘅Monday Blue吖!

 



藍身緊身衣Look 一望即爆笑

 

  呢個成隻阿凡達咁款嘅「任何仁」,今日就喺記者會上介紹點用滅火筒,同埋點做心外壓。不過無論「任何仁」點樣正經地示範,Jenny淨係睇到佢個Look都已經忍唔住笑喇!現場消防處高層可以一臉若無其事,真係專業!

 

  消防處話,佢哋今日仲正式開咗Facebook,傳遞應急準備訊息和教育資訊,例如好似係防火訊息、自救同施救技巧,同埋會介紹下消防處轄下各專隊、車輛工具等等。不過而家Facebook已經被人話係「老嘢」先用,Jenny就建議消防處開埋IG,咁先可以Target到年輕人吖嘛!而且IG同Facebook都係相通,喺IG Post完就可以連到去Facebook,一次過滿足兩個願望,正!

 

消防處冇錢請公關?

 

  唔理佢Target Group係邊個,吉祥物「任何仁」已經率先成為新一輪網絡紅「人」。消防處話,起呢個名係因為想話畀大家知「任何人都可以救人」呢個訊息喎!而今日個PC新聞一出,Jenny個Facebook都即刻被「任何仁」洗晒版,大家就對佢褒貶不一,有人話佢夠Gimmick,亦都有人嘲笑係咪公關部冇錢,不過就冇人記得「任何仁」教咗啲乜。唔知咁樣喺公關上算係成功定唔成功呢?照Jenny睇,「任何仁」可以成為公關廣告界教材,不過係正面定反面就唔知喇……

 

 

  「任何仁」一朝爆紅,但係Jenny喺消防處個Facebook就未見到有「任何仁」嘅大特寫,不過就搵到疑似「任何仁」嘅Facebook,斷估係Fans開嘅,幾個鐘頭內就儲咗300幾個like喇!佢仲轉載咗之前農曆鬼節時消防處搵「龍婆」羅蘭姐拍嘅片,Jenny先發現原來「任何仁」已經喺嗰時有露面,仲有個勁搶鏡嘅啤酒肚,而唔係平時我哋見開嘅大隻仔消防員,果然貼地凸顯到任何「人」嘅特色呀吓!之不過,Jenny覺得堂堂紀律部隊,用呢個吉祥物真心唔夠Decent囉!

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生