• |
  • 極速報價
  • |
  • 會員
  • 產品服務 / 串流版
  • 設定

29/03/2019

港鐵撞車罰錢又如何?羊毛出在羊身上咋!

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  港鐵一衰再衰,由上年衰到今年都未完,前排仲炒埋車,搞到荃灣線中環站至金鐘站列車服務足足暫停兩日。唔好話Jenny由出世到而家都從未見過,連車務總監劉天成都話,係港鐵自1979年通車以來第一次發生呢類型事件咋!家下撞車要罰錢,但又如何?大家諗真啲,其實都係羊毛出在羊身上咋!

 

 

 

罰到去上限 都係2500

 

  之前有講法就係,港鐵就算訊號故障,都會盡量維持有限度服務,因為個機制淨係會計算延誤時間最長嗰班車同正常行車時間嘅差別,所以就算全日只得有限度服務,只要佢隔一段時間有郁下,咁就唔使罰咁甘不過今次直情係服務暫停咗兩日,所以就要罰到去上限金額喇!

 

  不過,大家都唔使咁快請小鳳姐住!事關個上限都只係2500萬,對比起港鐵每年近百億嘅盈餘,呢啲罰款可以話只係「面嗰浸」咋!加上所謂嘅罰錢,其實都只係按票價調整機制入面嘅「服務表現安排」,撥2500萬出嚟「回饋乘客」,即係即係好有可能只係下年加價嗰時唔加或者加少啲。對管理層乜影響?Sorry冇囉

 

  嗱!港鐵今年又加價喇!仲要加3.3%,真係「要加價,加到盡!Jenny覺得,咁做等同懲罰緊一眾乘客啊

 

優惠又喺假咁湊巧? 劉天成食咗誠

 

  你認為港鐵淨係得呢啲招數?Jenny只能講一句「少年,你太年輕了」,今日港鐵都公布埋因應事故而推岀大約半價嘅車票優惠補償,今次仲會一連推出三日添!日期係511日(星期六)、12日(星期日)同埋13日(星期一),當你以為終於有日上班日可以享受到平飛,Sorry!你諗多咗喇!事關513日係佛誕翌日,即係都係公眾假期呀!想拎呢個「補償」嘅朋友,呢幾日就唔好留喺屋企休息喇!

 

  港鐵都唔係第一次喺假期先嚟推出補償優惠喇!今日就有行家問到港鐵點解係平日出事,卻又唔肯平日補償。劉天成好似食咗誠咁話,因為星期一系統多人用,根據風險評估,所以都係決定假期推行。

 

港鐵厚顏 市民受難

 

  Jenny聽到真係忍唔住為港鐵如此厚顏「拍手」,唔知係誠實豆沙包威力強勁吖,定係港鐵已經係有恃無恐喇!港鐵主席馬時亨之後仲話希望市民可以明白港鐵嘅苦衷,明明受害者係市民,馬生咁樣講一講,唔知仲以為市民蝦佢添呀!馬主席,你又有冇諗過廣大市民嘅苦衷

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生