• |
  • 極速報價
  • |
  • 會員
  • 產品服務 / 串流版
  • 設定

23/07/2019

何君堯 VS 朱凱迪 搭完膊頭又中途離場乜解究

  • 加入最愛專欄
  • 收藏文章
  • Jenny Yin

    Jenny Yin

    於傳媒行業打滾多年,其實亦是打雜多年,八卦天性難改,日常穿梭立法會及政總之間,閒時金鐘中環high tea、購物,順道收集情報。

    言歸政傳

  今日何君堯同議會陣線朱凱廸就去咗港台直播節目,話要討論討論下元朗事件。咁又係嘅,元朗單嘢搞到滿城風雨,個個返屋企都話驚驚,點都有排要討論。唔同黨派議員上節目激辯好常見,但鬧鬧下喺直播節拍檯走人,都真係令人O晒咀。

 

 

 

搭搭膊頭朋友?

 

  話說,何君堯同朱凱廸()坐埋一枱,諗落都覺精彩!Jenny一早mark 定時睇直播。佢哋兩個點唇槍舌戰Jenny就唔多講啦,不過節目期間似二人化敵為友喎!兩個搭曬膊頭嘅?對唔住,大家諗多咗

 

  一切都因為何律師親身證明拍膊頭唔代表認同對方理念喎,所以咪一嘢攬住朱凱廸膊頭!當堂呆左想走又走唔到,表情好似講緊:嗱嗱嗱!大佬,我哋唔多熟

 

直播途中拍檯走人

 

  二人無法為密友,自然就唔會帶著愛,個節目有過半時間都係互鬧到聲,主持人想插兩句話都難呀!何律師不咁講,要朱凱廸「唔好再講光復(行動)」,又捉實佢個膊頭,起勢咁搖,又咁拍落佢膊頭度。阿無晒符,一句完整說話都講唔到,到最後仲要放棄人生咁,收聲苦笑搖頭。何律師自己一個不停大喊「老友,講啦,講啦」、「點解你唔講呀,離晒大譜」!就連主持人見到都忍唔住叫停何律師

 

  唔知係咪阿廸一直都冇滿足到何律師嘅「訴,何律師好似嬲嬲豬嬲到要拍枱鬧朱凱廸「唔配做議員」,仲要除咪走人。吓,直播緊架喎,不過情緒呢啲嘢又好難講嘅,何律師可能真係一時控制唔到自己啦!

 

  何律師就嬲嬲豬要拍枱走人,仲鬧阿廸「唔配做議員」,Jenny睇緊直播果陣就聽到把迷之聲,原來係連在場嘅工作人員都忍唔住,機都未cut就出聲還拖,話「你都唔配呀!」。

 

  其實而家個社,大家有情Jenny 都好明白,近日小妹收到朋Send 來一首歌,個主題唔錯,不如一齊聽下啦!






附上歌詞:

爭拗聲摧毁了家  值得嗎?

從前你我努力構建的天下

光輝的星宇下  幾多讚美說話

多驕傲  記得嗎?

看看今天這個家  痛心嗎?

難道對抗會讓你我好過嗎?

聽不爽的說話  商討變作對罵

來不及追趕時代的變化

同在獅子山下  香港是你與我的家

化掉干戈  平息風波

趁來得及牽手再續神話

無論陌路或同路也知道

和衷共濟才可風雨同渡

何不好好對話  修補彼此分岔

讓難關隨着諒解可轉化

同在獅子山下  香港是你也是我的家

化掉干戈  平息風波

盼來得及一起再續神話

無論陌路或同路也知道

和衷共濟才可風雨同渡

如何找到出路  和諧溫馨

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

「港元定存息率」大比拼 食息都要食得醒 https://goo.gl/i9KA4Y
我要回應

  • 生活副刊
  • DIVA
  • 健康好人生