• |
  • 極速報價
  • |
  • 會員
  • 產品服務 / 串流版
  • 設定

02/03/2017

【偶像也食蕉!】當STEVE JOBS遇到最「寸」占士邦

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    本欄逢周四更新

    玄來更精彩

  喬布斯STEVE JOBS是IT界巨人,他實現了自己的抱負——真的改變了世界。不少果粉認為,有蘋果與沒蘋果的界線,就是宇宙蠻荒與現代文明的分水嶺,相信現在好難想像沒有iPhone的日子有多失落。

 

  他顛覆了我們的生活、社交、工作、以及思考模式,對果迷而言,他與神同級,雖然他的確已去了見神,但其教主地位,無可代替。但想不到,他生前也有傲貓燒鬚的窘況!

 

  挑戰者也大有來頭,係我認為是世界上最靚仔嘅特務——Sean Connery辛康納利,他不衹是最英的占士邦,也是最「寸」的。

 

 

  上世紀末,教主忽發奇想,想請這位猛男來宣傳,不過食慣蘋果嘅喬布斯,今次要食蕉咧,仲係爛蕉添!

 

  辛康納利的回覆充滿火藥味,仲奉送粗口:

 

  「喬布斯先生:我再講一次。你睇得明英文個荷?我唔會為蘋果、或任何公司、出賣我嘅靈魂。我冇興趣,好似你所講,「改變世界」。你冇一樣嘢,係我想要或者需要嘅。你係電腦Sell屎佬,我係F**king占士邦喎!如果喺你D極度低B廣告出現,我唔可以想到一種更快令自己PK嘅方法。唔該你,唔好再搵我。」

 

 

  斬釘截鐵,真係擲地有聲,唔係,係媽媽聲!

 

  今次IT偶像,遇上銀壇偶像,竟然畀人片到飛起。

 

  喬布斯IQ爆棚、EQ則甚低。

 

  據悉有次個員工唔好彩,與他狹「車立」相逢,就在那短短幾十秒,教主問員工一個問題,覺得答案唔啱聽,竟然立即炒咗佢!相信自此冇員工敢同佢一齊搭「車立」。又好一段長時期,佢唔認自己親生女(雖然係私生),所以佢出名冇人情味。這在相學上也有跡可尋,他鼻頭甚尖且下垂,鼻脊走勢陡峭,眼神鋒利,這組合喻脾氣極大、要求甚高,很難相處,但優點是觀察入微,觸覺敏銳、思路慎密、追求完美。所以有如此出色的顛覆。

 

  不過他看上了辛康納利,可謂當黑。辛康納利濃眉銳目,也不是省油的燈,唔鍾意就發老脾。這樣一個狂、一個倔。偶像格鬥、辣鬥辣,結果教主畀特務砌低,真係人到無求冇得Fight!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

沒有相關資料。

  • 生活副刊
  • DIVA
  • 健康好人生