• |
  • 極速報價
  • |
  • 會員
  • 產品服務 / 串流版
  • 設定

30/03/2017

側面的玄機

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    本欄逢周四更新

    玄來更精彩

  相,可以從多面睇。例如:後面,就如有一期,我提及從後面看到的士司機頭骨靚、但耳朵小,即聯想到他搵錢有辦法,但因衝動,走了些冤枉路,所以屬辛苦創業型。

 

 (照片中人非本文主角)

 

  為甚麼不乾脆從前面看呢?資料不是更多、更明顯、更易掌握嗎?

 

  對的,但後面、或側面發放的資料,可能比前面,那些易見的,隱藏更多玄機!

 

  一次去見朋友介紹的客戶,談Branding廣告。

 

  新客戶文質彬彬,一身清爽的淺灰色西裝,結了一條有飛機圖案的領帶,手上還戴了一隻名校舊生會的戒指,可見系出名門。

 

  交談之下,得悉他是ABC(American Born Chinese,華裔美國人),唔怪得咁爽直,又原來他是念機械工程的。

 

  「現在做Marketing,豈非學非所用?」我問。

 

  「Hey!所謂機械工程,做嘢順時係機器,唔順就激氣!我覺得推廣宣傳好玩得多。」

 

  跟著我們談廣告的方向,他突然指一指門外說:「That’s My Boss(我老細呀)!」

 

  我看了一秒,衝口而出:「咦!有啲偏偏地喎!」

 

  然後花了一分鐘解釋廣東話「偏」是甚麼意思。

 

  「哦!我明咧。咦,又似喎!嗰日有五十條大漢殺上嚟搵佢噃!」

 

  吓!同呢啲「邊緣人」做嘢,有冇錢收㗎?

 

  本想推咗呢宗生意,奈何ABC執意要我地設計,結果差D畀佢玩殘!佢話要清新時尚Feel,我地試咗三回都唔收貨,後來我想起佢偏門老細個側面,於是交咗一個我都算頂得住嘅豪華炫富Layout,即掂,賣蹺需睇拍板人喔!

 

  若不是當日那一秒的驚鴻一瞥,真係估餐死仍未埋尾。不過你問我點睇到佢老細「偏偏地」,我無法剖析,只覺得有股草莽英雄嘅氣勢。

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生