• |
  • 極速報價
  • |
  • 會員
  • 產品服務 / 串流版
  • 設定

02/05/2019

【咪當人透明】打少一句招呼,可能隨時被炒,甚至冇命?

  • 加入最愛專欄
  • 收藏文章
  • 黃美雲

    黃美雲

    黃美雲小姐(Ms. Amy Wong)有豐富公關廣告經驗,現為廣告公司合夥人,亦是Media Training及溝通技巧的培訓專才。

    黃小姐研究玄學多年,並根據其豐富的商場經驗,融會形象包裝、掌相學、望診學、身體語言、溝通技巧、談判策略、危機管理等學問,編創了「極速性格解碼學」課程,為行政人員提供另類管理智慧。她先後為渣打銀行、香港中華煤氣有限公司、賽馬會等主持培訓課程。

    曾以黃愛媚的筆名,在報章雜誌撰寫專欄,出版的書包括《公關十八般武藝》。

    本欄逢周四更新

    玄來更精彩

  同人打一聲招呼,有幾難?

 

  有人就因缺乏這社交DNA而被炒!

 

  朋友最近辭退了一位嬌嬌女,原因是她在同事的意見調查中,team playing 一項,劣評如潮。

 

  茶水部姐姐的反應最激:

 

  「呢個千金小姐,離曬譜,冇禮貌!我晨早同佢打招呼,佢就時運高睇唔到。尋日落大雨,佢同我咁啱一齊返到公司,我負責開大門,當時我一手揸住把滴緊水嘅遮,一手開鎖,地下仲有叠信阻住,佢完全冇幫我。嗱!你一係攞起啲信,一係替我拎住把遮,一係就幫我推門。但佢就係蹺住雙手,睇住你咁狠狽!唔好講大家係同事吖,就算唔識嘅,行過都會幫下手啦,你話係乜嘢人種嚟吖!」

 

  無禮貌不但會被炒魷,還可能有更嚴重的後果。

 

  以下例子是真人真事:

 

  一位肉食廠女工一天在完成了當日工作後,走進雪房作最後檢查,不幸房門關上了。她用盡洪荒之力,又打又踢那鋼門,都沒有人聽見,那時絕大部分員工都已下班,過了五小時,正當她在死亡邊緣,鋼門打開了!

 

  原來是保安叔叔來救她。

 

  平日他的職責是駐守工廠大門,而非巡查廠房。那他是如何發現她被困呢?這問題引出一個動人的答案:

 

  「我喺呢間工廠已經做咗35年,每日有幾百人出出入入,不過好少人同我打招呼,佢哋只當我係工廠入口嘅一部分。但你就唔同,每日都友善咁同我講早晨,又微笑住同我講拜拜。人人都當我透明,只有你當我係個活生生嘅人。今早你如常同我打招呼,但過咗收工時間好耐,你仲未出嚟,我就覺得一定啲有唔妥咧,於是反轉間廠大搜索,好在喺呢度搵到你!」

 

  原來打招呼可以打救自己生命。

 

  再談開篇所提及的嬌嬌女,我有一次在朋友公司與她擦而過,雖是驚鴻一瞥,已覺她眼神奇倔,還帶點嬌矝。

 

  無論你家境多富裕,也不要吝嗇你的笑容,既予人快樂,自己亦可能大有收穫。

 

「港元定存息率」大比拼 食息都要食得醒 https://goo.gl/i9KA4Y
我要回應

你可能感興趣

  • 生活副刊
  • DIVA
  • 健康好人生