• |
  • 極速報價
  • |
  • 會員
  • 產品服務 / 串流版
  • 設定

12/09/2019

【人月兩團圓】中秋節放半晝係基本啦!你公司有咩中秋員工福利呢?

  • 加入最愛專欄
  • 收藏文章
  • 玄米米

    玄米米

    生於1月18日,外在人格更傾向水瓶的山羊女。表面活潑、接受新事物,人際關係得心應手;實情內裡木木獨獨、抗拒social,寧願少一事也不伸張正義的中環OL。

    花生味辦公室

  細路時充滿童真,唔知農曆新年收利是嘅吸引,所以除左聖誕節,第二鍾意嘅節日就係中秋節。當時中秋節揸住個傳統紙製燈籠走嚟走去,不停將果支痴咗係燈籠上嘅蠟燭點著、吹熄、再點著;又或者燒住蠟燭,一路烘住塊面一路望住火源發吽哣,無憂無慮咁過一晚吹住微風嘅熱鬧晚上。直至出黎社會做野,中秋節嘅心思唔再花係「夜晚陪屋企人定同Friend出去玩」上,而係一封封公司email、或者一件件辦公室小驚喜。公司中秋節福利,有的,享唔享受到我仲未知,不如今次大家就曬冷講下你地公司有咩福利喇。

 

  先講我公司,實不相瞞,最近我(終於)轉咗去一間外資金融公司,由紅底變成外國勢力,唔見得政策上有咩大分別,一樣係打工仔嘅地獄。 但集中討論中秋節福利嘅話,似乎外國勢力更勝一籌。

 

 

Early Release

 

  中秋節嘅真諦就係畀個大家同屋企人團圓,所以一般公司都會批准early release。現米飯班主畀我地提早1.5個鐘收工,但紅底公司只需要返半晝就走得。先唔講你可唔可以搞掂工作順利提早走,但睇牌面舊嘅紅底公司就暫時領先。

 

 

中秋月餅

 

  兩間公司都有自家設計月餅禮盒用作送禮之用,但外資公司就疏爽好多!前紅底公司一連設計咗5款唔同嘅月餅盒,個個獨立包裝;而現公司就只有一款設計,每6個為一盒。舊公司只每人派其中一款,啫係一人一個月餅;但現公司就索性一人一盒。唔洗用毅進制計都知一盒抵啲啦!今鋪現公司勝!

 

 

Marketplace 

 

  除咗派月餅之外,現公司仲有一個好有趣嘅福利,就係market place。其實啫係好多vendor 送禮黎比我地,但你知通常對外嘅team會收到手軟,收到送都唔要;但一啲只對內嘅team就無人問津。所以公司會將多咗出黎嘅禮盒,但中除左月餅,仲有生果、茶、朱古力等等幾十樣唔同食品,集合係一間conference room,再會每位同事派個「購物袋」,畀同事好似買送咁睇岩邊樣就拎邊樣。雖然,手快有手慢冇,荀野通常早早就比人拎哂,但起碼可以唔洗浪費物資,又係當福利咁送畀同事們。

 

  除咗上述福利,你地公司又有冇啲有趣又奇怪嘅福利呢?不過,聽日就係中秋節,無論你手上有冇禮盒,都要記得抽時間返屋企探吓屋企人,食吓團年飯。阿媽阿爸見到各位平時掛住返工唔蒲頭嘅大家,已經係最好嘅中秋節禮物。祝大家中秋節快樂!

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生