• |
  • 極速報價
  • |
  • 會員
  • 產品服務 / 串流版
  • 設定

14/03/2018

【辭職都係因為你?】打工仔「求神拜佛」最想遠離的5種上司

  • 加入最愛專欄
  • 收藏文章
Text: Elize Chan

  正所謂入間好公司,倒不如跟返個好上司,相信不少打工仔都期待遇到一個「偶像般」能幹又夾得嚟的Boss,但就是可遇不可求,最慘的是你有可能遇到的是打工仔「求神拜佛」最想遠離的5種上司,究竟跟著哪幾類Boss最令人有辭職的衝動?

 

(截圖自《鬼同你OT》)

 

Level One:工作狂

 

  最令打工仔叫苦連天的Boss應該都非「工作狂」莫屬,事關你需要每日on call 36小時,一星期七天工作,沒有年假病假產假,甚至沒有家人朋友,名符其實係「斷六親」,這類上司會要求下屬跟他一樣講求效率,能夠跟上他的思路,一想到要做的事情就要你立即完成,不太理會你本身手上工作的進度,甚至明明唔急嘅嘢都會叫你做完先收工,「喂,點解你仲做緊A,幾時有B,你知唔知好趕!」下一秒你交上B的時候「咁A呢,你之前做緊嫁啦喎,點解仲未做好!」

 

(截圖自《不懂撒嬌的女人》)

 

Level Two:狂躁症

 

  公司文化少不免有濃厚的「階級觀念」,上司同下屬都有尊卑之分,其實這情況絕對正常,只怕你遇上的是「火爆」Boss,動不動就「無定向」發脾氣,凡事咄咄逼人,問題連珠爆發,嚇到你口窒窒,做錯嘢更不留餘地鬧人,「你隻耳聾嫁?」「咁你都唔識?你無腦嫁?」甚至有時就連家人都被「問候」,的確令人心灰想離開!

 

(截圖自《男親女愛》)

 

Level Three:卸膊怪

 

  又有一種上司專卸膊,面對老闆指派的工作,佢都會點頭答應,轉個頭就話自己唔識、無跟開,再轉手將工作硬推給下屬,有時就連小薯都無可幸免,明明對所有事情一頭霧水,卻突然被「委以重任」,最終亦只會變「薯蓉」。這類上司既落唔到決定,亦不給下屬工作指引,但最叻就係秋後算賬!看到你出錯,此類上司第一時間「譏笑」,或許會加一句「我都話嫁啦!」老闆怪罪問責的一刻, 佢又會看著你「今次我真係愛莫能助!」到你想指控佢的時間,佢又回你一句「我有咁講過咩?」

 

 

Level Four:搶功皇

 

  有一種上司,只要你沒有野心,又沒有甚麼工作能力,就絕對不用怕,因為佢只是會驚你搶他風頭!若然在他眼內,你只是「一條蕃薯」,他大慨會將公司最低價值的事情都讓你做,因為小事情體現不出你的價值,而且只有你繼續做小事情,你在公司才不會有成長的機會!但若然你有才能呢?他會好好將你留在身邊,你的慨念變成佢的慨念,佢會拒絕你的建議,之後再想出一個跟你一模一樣的提議,而老闆亦只會知道你上司有多「能幹」!

 

(截圖自《幕後玩家》)

 

Level Five:懶得郁

 

  不少大公司都看年資升職,而一班老臣子大慨已經服務了公司十年八載,自然培養出「不求有功但求無過」的性格。不幸的是,一班初出茅廬、滿腔熱血的小薯,心中的那團火,正正被一盆又一盆的冷水淋熄了!這種上司只有一個要求「唔好俾麻煩我!」「唔好搞咁多嘢!」

 

(截圖自《天與地》)

 

  他們從來不打算學新知識,亦不會去了解行內的新方向,分工永遠自己最少,明明無嘢做,就日日叫好忙,下屬跟哂所有麻煩野,但自己就日日準時打卡收工。可憐一班小薯密密做,最終只換來一句「都唔明你做嚟做嘜!」「唔夠人手咪唔好做囉!」「你搞咁多嘢做咩姐!」「跟返之前咁做咪得囉!」下屬點會唔愈做愈灰心呢?

 

(截圖自《波士早晨》)

 

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經‧生活App   財智‧健康‧品味生活     【立即下載】  iOS版 / Android版
我要回應

  • 生活副刊
  • DIVA
  • 健康好人生