• |
  • 極速報價
  • |
  • 會員
  • 產品服務 / 串流版
  • 設定

23/04/2018

【職場心理學】你的辦公桌如何,你的性格也必如何?

  • 加入最愛專欄
  • 收藏文章
  • Yan Law

    Yan Law

    「喜歡聽人說故事,更喜歡用文字寫故事。 返工最大樂趣──在平凡的職場裏找出那些不平凡的故事。」

    Senior Editor

Text: Yan Law

  話咁快又過咗個周末喇,返到公司嘅第一件事,梗係要望望枱頭有冇積落咗上星期嘅手尾要跟返啦……嘩!點解張枱有一堆唔係屬於自己嘅水杯、原子筆、筆記簿……咦,望真啲,原來啲嘢係隔離位嘅A同事!

 

  曾經有唔少嘅心理學家指出,一張辦公室桌子,正正反映著一個人嘅個性同生活態度,想知自己或者身邊同事嘅枱頭究竟洩露咗乜「個人秘密」,快啲同小編一齊睇下啦!

 

1. 雜亂無章型

 

  一張枱四圍都係雜物,睇落雖然好趕客,不過心理學家話,呢張枱嘅主人通常比一般人更有創意而且敢冒險,性格亦較外向、健談、開朗;只係容易粗心大意,喺處理事情上或者會因為咁而出現小問題。

 

著名物理學家愛因斯坦的桌子也是亂糟糟的。他還說過:「如果一張凌亂的書桌是一個凌亂心智的象徵,那你說說看,一張空白的桌面又是什麼心智的象徵?」

 

2. 極度整潔型

 

  枱頭比較乾淨企理嘅人,通常都偏向比較守紀律,而且做事勤力、可靠、專注;不過對人對事嘅要求亦會較高,容易令身邊人有壓力。心理學家仲話,如果一個人嘅枱頭除咗電腦同少量工作物品外,就再冇其他個人物品,咁就代表住嗰個人都幾重視個人隱私,而性格亦偏向會高傲自負。

 

3. 向外擴張型

 

  一個習慣隨手擺嘢,尤其係嗰啲會霸埋人哋地方嚟擺嘢嘅人,個性通常會較積極進取,鍾意採取主導地位,亦會因為咁而忽略咗其他人嘅感受。小編留意到,近年有唔少公司開始採用「辦公桌輪用制」或「共享辦公室空間」,即係辦公室座位劃分唔會太清晰,所以如果你係呢類人就要小心,唔好因為「踩過界」而變咗辦公室公敵都唔知!

 

4. 個性型

 

  有啲人鍾意將自己鍾意嘅雜誌、擺設、相片放喺位,呢類人嘅「地盤意識」一般較強,個性外向、有好奇心,亦很重視人際關係,擅長和同事打成一片。不過佢哋做事通常會缺乏堅持,只要遇到挫折就會失去動力。

 

etnet財經‧生活App   財智‧健康‧品味生活     【立即下載】  iOS版 / Android版
我要回應

你可能感興趣

  • 生活副刊
  • DIVA
  • 健康好人生