返工長期對住電腦，對眼又乾又澀點算好？忽然諗起以前讀書嗰陣，老師話望返多啲綠色植物可以護眼！好！一於今日放工去買盆小盆栽放喺枱頭先，聽講有啲植物仲可以淨化空氣、減少電磁輻射，即刻同大家分享下！

1. 君子蘭

　　有「除塵器」之稱嘅君子蘭，佢寬大肥厚嘅葉片上有好多氣孔和絨毛，可以分泌出大量粘液，經過空氣流通，就能夠吸收大量粉塵和有害氣體，從而減少室內空間嘅含塵量！

　　注意：君子蘭喜涼爽，忌高溫、強光；喜肥厚、排水性良好嘅土壤，忌乾燥環境。

2. 黛粉葉 

　　黛粉葉其實即係我哋成日講嘅「萬年青」，放佢喺公司（尤其係啱啱新裝修完嘅公司）就可以吸收空氣中嘅甲醛、三氯乙烯、二甲苯等有害氣體，從而達到凈化室內空氣嘅作用！不過要留意嘅係，黛粉葉全株有毒，尤其以莖部嘅毒性最強，一旦唔小心觸碰到，就會造成皮膚過敏、紅腫等情形。

　　注意：黛粉葉性喜溫暖、濕潤及半陰環境，需注意控制肥水、溫度、光照等， 亦要及時修剪、換盆，以免影響其發育。