• |
  • 極速報價
  • |
  • 會員
  • 產品服務 / 串流版
  • 設定

12/08/2020

《Online有話兒》俄國向菲供疫苗,杜特爾特話第一個接種!

  • 加入最愛專欄
  • 收藏文章

  全球疫情持續,我哋香港呢邊月初仲日日過百,呢幾日先至話回穩返DD。另一邊廂,戰鬥民族俄羅斯已經話有疫苗推出,總統普京個女都已經接種埋;而呢一批疫苗據講會供應畀菲律賓,菲國總統杜特爾特講到明話疫苗來到佢打先,咁霸氣?!

 

(Shutterstock圖片)



俄國疫苗已推出,取名為「Sputnik V」

 

(Shutterstock圖片)



  俄國人被叫得做戰鬥民族,幾時都係咁「沙膽」,批疫苗剛剛推出,總統普京就已經命人幫佢個女接種,其實只係想平民百姓安心啲咁解。呢隻疫苗取名為「Sputnik V」,跟美蘇當年冷戰時老蘇第一顆人造衛星同名,話冇「晒冷」都冇人信啦!預計可以喺9月量產,10月開始大規模接種。


  之不過,大家對於疫苗嘅安全仍有所保留,原因係疫苗未完成所有臨床測試,雖然話當地有幾百人已經測試過,暫時未有不良反應,但第三階段臨床都未做好,大家都係有D擔心;不過話分兩頭,第三階段臨床要做起上嚟,快嘅都要半年幾個月,慢嘅要三幾年不等;眼下疫情嚴峻,加上行船解纜要爭先,提早推出亦無可厚非。

疫苗將供菲律賓,杜特爾特話自己要打先! 

 

(Shutterstock圖片)


 
  隻疫苗已經註冊,但大家都仲係有D疑惑。呢個時候,菲律賓總統杜特爾特就衝出嚟話:


  「隻疫苗到貨時,我就會公眾面前打一支,第一個就搵我做試驗啦!對於我嚟講無咩大不了。如果疫苗對我有效,即係所有人都可以開始接種。」


  菲律賓咁捧場真係好難得,所以俄國一早預備好,向菲律賓提供疫苗之外,仲會喺馬尼拉投資生產,話晒都係Friend子,有好嘢梗係益你先啦係咪!

美國衛生部長:安全更緊要

 

(Shutterstock圖片)



  地球嘅另一邊,美國眼見對家咁快生產好,唔知係咪唔頂得頸而眼紅人,當地衛生部長阿扎爾就質疑啦:


  「重點並唔係首先研發出疫苗,而是要擁有對全世界人民安全而有效嘅疫苗。」


  咁你又無錯嘅,畢竟要打入身體入面。美國自己本身都有6款疫苗正在研發當中,希望年底前可以推出。不過美俄之間嘅明鬥暗鬥都鬥咗幾十年啦,從坦克鬥到上太空,而家連生物科技都要鬥埋一份。噢!救人要緊,比賽第二啊!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

我要回應

你可能感興趣

  • 生活副刊
  • DIVA
  • 健康好人生