• |
  • 極速報價
  • |
  • 會員
  • 產品服務 / 串流版
  • 設定

21/09/2020

《Online有話兒》菅義偉上台隨即同侵侵通話

  • 加入最愛專欄
  • 收藏文章

  「令和大叔」菅義偉終於登上日本第99任首相,但此時此刻做「日本首相」,可能係一個燙手山芋。


(Shutterstock圖片)


侵侵立即致電慶賀,大叔指會同中俄保持穩定局勢

(Shutterstock圖片)


  大叔一上台,侵侵(特朗普)梗係要發個輪慶祝一下。有傳媒報道,侵侵噚晚就同菅義偉講咗通電話,除咗恭喜大叔就任首相之外,兩人仲討論埋實現自由、開放的印度太平洋地區共同願景的重要性。在這段據報25分鐘的通話中,大叔就強調:「美日同盟是地區和平和穩定的基石。」不過,南海爭議呢啲問題,大叔一上台好難處理到,早喺上個星期佢已經咁

講:
  「目前將繼續與華盛頓穩固關係;另外都繼續想同中國和俄羅斯保持穩定,反對會加劇南海局勢的行動。」


  其實,目前最大問題都係點樣面對北韓同應付新型肺炎,不過起碼知道大叔唔會點插手南海,中國起碼少個敵人先啦!


菅義偉與蔡英文通話成關鍵,中方衝出嚟表示「唔會發生」


(Shutterstock圖片)

 

  另一個表態問題,就係對兩岸啦!早前日本前首相森喜朗率團去台灣參加前總統李登輝告別追思禮拜,喺總統府同蔡英文表示,非常期待日台兩位大佬可以通話。但如果真係通話,大陸反應可以想象。


  對此,中國外交部發言人汪文斌話:「我們注意到有關報道,已要求日方作出澄清,日方明確表示媒體報道的事絕對不會發生。」


  
大叔仲可以坐幾耐?自民黨已經預備派出人馬競爭

(Shutterstock圖片)


  大叔上位之後除咗政治問題外,仲有就係日本經濟長期低迷,東京奧運可唔可以順利舉行等議題,真係三煞位唔易坐啦!


  雖然任期都係得一年,但點燙手,自民黨本身好多人都仲想爭呢個位。據日本傳媒報道指,自民黨旗下各派別都想派出代表,其中包括呢次選舉落敗嘅前幹事長石破茂同前政調會長岸田文雄都想參選下年9月總裁競選;而自民黨內派閥之一嘅竹下派,都想推薦外務大臣茂木敏充競逐,呢場選戰將會打得火熱!

 

撰文:李皆穎

 

 《經濟通》所刊的署名及/或不署名文章,相關內容屬作者個人意見,並不代表《經濟通》立場,《經濟通》所扮演的角色是提供一個自由言論平台。

etnet財經.生活App 精明外匯買賣三招「睇圖-比較匯率-預設提示」iOS / Android / Huawei

我要回應

你可能感興趣

  • 生活副刊
  • DIVA
  • 健康好人生