即市新聞

27/11/2015 17:51

《小傳日記》阿爺查券商,A仔受重傷;風聲鶴唳間,魚缸亦當殃!

  《小傳日記》中港魚缸悶咗咁耐,缸友都等好消息等到頸都長,點知好消息欠奉,壞消息抬
頭。淡友喺今日(27日)期指結算日發動攻擊,趁住阿爺出手查祖國券商有無違規,嚇到A場
尾市急插近6巴仙,收3436點,三千五同三千六大關眨吓眼宣告失守。
  A場跌得咁勁,畀咗一個完美藉口香江淡友出兵,香江魚缸下半場愈跌愈深,最多蒸發
437點,差DD連二萬二大關都穿埋,嚇到好友腳仔都震晒,有近1300隻股仔「扯白旗」
。之不過,有阿爺眷顧嘅軍工股就逃過一劫,當中航天控股(00031)仲逆市飛升一成,勁

  恆指雖然一口氣跌穿幾條平均線,但二萬二大關總算守得住,埋單碌低420點收
22068。國貨傷亡當然更慘重,完場跳水252點收9855,一萬大關就咁「Say
Goodbye」,全日整體成交就去番791億銀左右。

*恆指插四百國指失萬關,你掟我又掟券股被掟散*

  阿爺近期嚴查神州券商,搞到佢地都好頭痕。中信証券(06030)收到中證監調查通知
,今日股價碌低近5巴仙,收報17﹒76銀。街坊海通證券(06837)開賽後約5分鐘更
突然離場停賽,孖屐傳出公司成為咗證監另一個調查目標,停牌前唔見咗近4巴仙,收報
13﹒7銀。同系嘅海通國際(00665)如常作賽,但就蒸發咗近8巴仙,收報4﹒88銀
,認真陰功!
  接連有街坊受查,大家都人心惶惶。國泰君安(01788)及華泰六八八六
(06886)齊齊碌低逾7巴仙,收報2﹒63銀及19銀。中州證券(01375)同廣發
(01776)都無咗4巴仙至5巴仙,傷亡慘重!

*A仔挫半成ETF當殃,內險全走低新華受重傷*

  魚缸下午突然震一震,跌幅去到四百幾點,都係因為A場滬指急跌所致,而一堆ETF都應
聲跌低,南方A50(02822)唔見逾4巴仙,報12﹒42銀,成交高達26億銀,係全
日最多人玩個股。街坊2823亦唔見近4巴仙,報11﹒02銀。海通滬深三百
(02811)就無咗逾5巴仙,報15﹒7銀。
  內險佬亦都隨魚缸走低,有傳平保(02318)旗下陸金所會嚟港上市集資388億銀,
但都要趴低逾2巴仙,報43﹒3銀。新華保險(01336)踩低逾4巴仙,報31﹒85銀
。A場(滬:601336)就無咗逾7巴仙,收報44﹒59人仔。  

*缸邊誰最好只有媽媽好,上石708今天可知道*

  上石化(00338)早前據指公司董秘唐偉忠被有關部門調查,原因係涉嫌托市,股價今
日碌低逾7巴仙,報2﹒78銀。媽媽中石化(00386)今日都跌逾4巴仙,報4﹒76銀
。 
  噚日(26日)破頂嘅恆大健康(00708)再創上市新高,最高去到2﹒61銀之後就
有大沽壓出現,最後股價急插逾6巴仙,報2﹒37銀。媽媽恆大地產(03333)亦陪跌,
唔見逾4巴仙,報6﹒35銀。
  打算「十合一」嘅亨泰(00197),股價急跌近23巴仙,報0﹒061銀,成為跌幅
最大嘅魚仔,睇嚟缸友擔心公司未來可能抽水。畀主要股東減持嘅互益(03344),都急瀉
逾22巴仙,報1﹒43銀。

*亨泰十合一立即被狂質,股仔大上落有貨要昅實*

  早排發盈警嘅耀萊(00970)今日收市後放榜,股價績前抽升咗近19巴仙,收報
0﹒44銀,穿咗百天線(約0﹒398),係表現最佳個股,高追入缸友要小心風險!
  完賽後派成績表嘅仲有領航醫藥(00399),股價走高14巴仙,收報1﹒3銀,今個
月累計更有76巴仙進帳,遠勝大市。
  友川(01323)已經派咗成績表,中期蝕少咗去到6018萬銀,缸友都收貨,今日踢
高近11巴仙,收報3﹒89銀,破咗百天線(約3﹒641)。
  楓葉教育(01317)今日中午放榜,多賺四倍至2億人仔,連埋特息都有7仙派。午後
試過炒高近一成,不過完場升幅收窄至得番近2巴仙,收報2﹒99銀。假期愉快,請請!

  《編者按》本欄搜羅即日熱門傳聞,惟消息未經證實,《經濟通》亦不保證內容之準確性
       本文只供參考之用,並不構成要約、招攬或邀請、誘使、任何不論種類或形式
       之申述或訂立任何建議及推薦,讀者務請運用個人獨立思考能力自行作出投資
       決定,如因相關建議招致損失,概與《經濟通》、編者及作者無涉。

全新etnet健康網購,送你【健骨維他命D3(1000IU)】乙樽(價值$108)► 立即行動!

人氣文章
財經新聞
評論
專題
專業版
HV2
精裝版
SV2
串流版
IQ 登入
強化版
TQ
強化版
MQ

觀落陰:什麼是觀落陰?人人都可參加地府自由行?遊地獄到底係點?

帶你探索全新主頁!輕鬆探索精選資訊!

全新etnet健康網購 賞維他命D3 (價值$108) 齊齊提升免疫力