《笑傲缸湖》朱克伯格創辦臉書、由無名小子變身成世界十大富豪嘅經歷固然為人熟悉，佢
同華裔妻子Ｐｒｉｓｃｉｌｌａ Ｃｈａｎ嘅一段情亦係大眾焦點。Ｐｒｉｓｃｉｌｌａ臨盆在
即，錫到佢燶嘅朱仔自然好緊張，早排就決定放兩個月假陪老婆、迎接新生命，仲計劃好哂幫個
寶貝女買咩玩具同圖書。
朱仔話，在職父母如果可以請假陪伴初生ＢＢ，對家庭同孩子發展都好好多。佢亦好關照下
屬，依家喺花旗國嘅臉書員工就享有最多４個月嘅有薪侍產假。嚟緊依個福利更加會擴至到全球
３４個分部、惠及過萬個員工！
新政策不論性別，全面開放，彈性亦高，同性婚姻亦會受惠，而子女出世一年內，員工有需
要就可以隨時請假，仲有得攞埋４０００美金嘅新生嬰兒補助金！
其實，照顧新生子嘅壓力好大，需要夫妻間互相支持，對於初為父母嘅，更加揦手唔成勢，
要慢慢學習。香江今年頭先實施男士侍產假，仲要得３日、人工得返八成，又邊足夠啊。希望政
府可以進一步改善法律，公司又可以對員工體貼啲，屋企感情好、煩惱減少，個個自然會博命幫
公司賺大錢啦！《任盈盈》
《編者按》本欄搜羅即市傳聞，惟消息未經證實，《經濟通》亦不保證內容之準確性。
全新節目《說說心理話》青少年不可以戀愛！？真實個案講述驚心動魄經歷► 即睇
