即市新聞

11/02/2019 12:07

《魚缸博客》金礦股進可攻退可守,壇金(00621)仍未升夠!

  《魚缸博客》踏入豬年第二日交易日,加上係人日,博客首先喺到祝大家生日快樂,今年贏
多啲就一定啦!
  新年都差唔多過咗一半,好多新年落鑊嘅板塊都COOL DOWN晒,例如食品,不過濠
賭就繼續落鑊。今時今日可能個個都覺得炒就要炒起啲5G、新經濟先有利可圖,啲油金仲邊有
人會關心,所以今次博客就同大家講下金股。
  金股大多數時間都受金價影響,而金價自舊年11月開始跳彈床,適逢聯儲局亦正正喺第四
季多次放鴿,搞到美金不斷插水,令到金價有反彈空間。先睇隻壇金(00621),今日就升
咗7巴仙,好似好叻,但其實只係收番之前回吐嗰巴仙。然而,值得一提就係佢而家喺保力加通
道底部徘徊,加上RSI無話特別超買,係入市嘅好時機,當然唔排除仲有得見底,但而家可以
先留意,如果穿100天線(0﹒054銀)就可以話係強力買入信號。
  至於博客同樣睇好嘅招金(01818)同神州黃金(02099)現價就太高啦,唔值得
高追。全球最大黃金支持上市交易基金SPDR金(02840)嘅持金量上星期跌咗超過1巴
仙,博客估佢哋之後都會補一補倉,所以相信都可以用嚟參考一下。
  今日金銀業貿易場理事長張德熙就話,今年花旗加息步伐可能會放慢,侵侵政策又多變,都
支持金價向上,唔排除金價今年挑戰1600美元。
  講完「攻」嘅部分,就可以講「守」。今個星期焦點都放喺中美貿易戰上面,雖然表面上好
似正面居多,但花旗嗰邊似係擺姿態,侵侵又會唔會突然嚟個180度轉變(今年加息已經領教
過),一切都好難講,咁所以入下啲金股避險都可以係好好嘅防守。
  當然仲有一個因素就係貨幣,美金走強金價跌,但人仔走強美金跌,金價都有好大機會會升
,而貿易談判仲有暗湧,缸友都會繼續買金或黃金相關股份避險。作為一個精明嘅缸友,咩股都
有啲先係最好,反正壇金個價夠吸引,真係無理由唔買!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【新春好玩意】風生水起流年運程占卜機及「豬」事吉祥長輩圖

【etnet Bonus賞你】北角匯「手作花藝音樂盒」

【得獎名單】【etnet Bonus賞你】K11限量版「桃蘭竹菊」藝術利是封