即市新聞

14/02/2019 12:00

《魚缸博客》大炒OLED概念,信利國際(0732)剛剛起飛!

  《魚缸博客》手機設備股今日(14日)榮辱互見,舜宇(02382)出盈警,股價大插
水, 不過缸友就話預料之內,因為經濟周期下行及中美貿易戰下,雖然手機發展往三鏡頭甚至
四鏡頭進發,但鏡頭毛利率好大機會下跌,所以都唔多睇好。
  但係另一邊廂,信利(00732)噚日股價就見支大陽燭起飛,點解?因為神州媒體吹捧
「折芒」技術(柔性屏幕),話會係今年嘅重中之重,有個別企業重可以好快咁推出相關產品。
消息指,華為、三星將於下個禮拜發布採用柔性屏幕技術的最新手機產品,另外市場估緊中興通
訊(00763)旗下品牌努比亞將推出首款可穿戴手機。
  「折芒」手機優勢係邊?其實除咗佢薄同耐用之外,加上佢功能耗損好低,令到手機續航能
力大增,而且佢採用柔性OLED,就算跌落地下都唔怕爛,大大減低手機損耗問題。
  柔性屏幕除咗用係手機上面,重可以用係好多產品到,因為佢可以「折」咗嘅特性,咁就可
以依照被依附嘅物件而裁剪螢幕大小,以後甚至圓柱體都係見到螢光幕出現,所以係廣告界將會
大幅運用呢種技術,產生任何可能性。
  專門做「芒」嘅信利國際就真係「當造」啦!佢主要業務係製造及銷售液晶體顯示器產品及
電子消費產品,包括微型相機模組、指紋識別模組、個人保健產品及電子備。睇返佢2018年
中期業績由虧損2﹒27億銀轉為盈利569﹒3萬銀;另外今年1月銷額額按年升
逾14巴仙至15﹒76億銀。照呢個趨勢,全年業績都肯定Fat Fat啦!
  其實,市場就已經有春江鴨上車啦,信利1月25日都見到一支大陽燭,噚日都高見
1﹒39銀,缸友如果依家想上車都係一個機會。圖表顯示信利剛剛先做好一個「大圓底」,而
且突破頸線都係一兩日,如果等其他手機商發表最新型號之後就肯定升多輪,暫時睇到阻力位會
係去年6月左右嘅1﹒9銀水平,再唔上車可能蘇州過後無車搭啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【etnet社創SoIN】無障畫創大賽 -「網上我最喜愛獎」公眾投票

【得獎名單】「我最喜愛的社企計劃」全民投票

【etnet Bonus賞你】《野遊去保育》生態旅遊書