即市新聞

12/03/2019 11:59

《魚缸博客》神州發展電力物聯網,鐵塔(0788)有力再破頂!

  《魚缸博客》世界真係一日千里,以前博客上個網都要撥號用龜速56k,今時今日神州就
話要發展咩咩「電力物聯網」,博客一開始都一頭霧水,究竟電力又點同互聯網結合?然後中國
鐵塔(00788)呢兩日又爆炒,所以博客都要上上網做下功課。
  原來呢幾日神州國網公司展開會議,話要推進加快「三型兩網」策略,三型就係「樞紐型、
平台型、共享型」,兩網就係「電網、互聯網」。其實簡單來講,就係利用互聯網同大數據,去
控制不同地區、社區嘅電壓及電力設備,將電力能源發揮到極致。
  例如某啲地區可能因為節慶問題而用電增加,大數據就會統計究竟該地區有幾多人口,將其
他地區多餘電能轉移,從而將電能分配效益做到最大;又或者某啲社區發展智能家居,透過智能
電網(Smart Grid),去調節區內電力運用,從而避免電力浪費之餘,又可以幫人節
省金錢。
  其實,神州供電問題不穩定係長久積落嘅問題,為咗維持一線城市供電穩定,係節能上都有
好多規則,例如博客聽聞過深圳對於冷氣開幾多度係有套地下規則,要長期保持25度以上避免
大家chur太多電製冷,否則會被官方「口頭問候」一下。所以發展電力物聯網係大勢所趨,
去解決一線城市供電問題。
  而發展呢套網絡,係中資電訊股入面,梗係睇中國鐵塔啦!目前中國鐵塔要發展5G之外,
應該好大機會將旗下鐵塔網絡同電力網絡做深度結合,由於本身塔網已起好,所以要睇國網公司
點同中國鐵塔玩,最美好估算就係可能大家都拎一部分網塔出黎做實驗,然後再發大去搞。博客
估計,屆時其他電力公司就要畀錢向中國鐵塔同國網公司買呢個服務,會係一筆可觀收入。
  股份操作方面,鐵塔係2月尾見過1﹒98銀歷史新高後回吐,近日低位反彈,預料短期係
1﹒8銀有支持。建議可以現價分注入貨,如果股價繼續回落可以溝貨,穿1﹒8銀就要止蝕;
上望可能有機會再度破頂,先睇2銀食一半,留一半睇大勢決定!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【etnet x 樂本健 父親節窩心Bonus】即Like即送 維柏健[男士綜合維他命礦物質] (價值HK$312)

【得獎名單】「我最喜愛的社企計劃」全民投票

【etnet Bonus賞你】信德中心x皮忠【Let Love Blossom森愛•花見】限量文創禮品