即市新聞

15/03/2019 11:58

《魚缸博客》長飛(06869)低吸,博炒業績!

  《魚缸博客》博客近期就留意到5G佬頭耷耷,枕住有缸友走貨,可能事關呢排「兩會」公
布消息眾眾,分散咗5G嘅政策,大家都做咗迷途小羔羊,所以獲利回吐囉。不過,博客睇到其
中一隻股,真係畀人質到好唔合理,佢就係長飛光纖(06869)啦!
  睇返佢最近嘅走勢,根本就可以用不堪嚟形容,都唔佢係咪得罪咗啲評級佬,噚日(14日
)銀河証券就降佢「他屐」超過四成,評級仲由「買貨」降到「走貨」。再前幾日富瑞、建銀國
際、野村都分別降佢「他屐」近四成至六成。
  富瑞更將評級由「買貨」下調至「跑輸魚缸」,而野村就補充話因為佢嘅寬帶需求疲弱,同
埋擴容可能會為今年光纖價格加添壓心,所以先唔睇好佢。
  不過,睇返佢之前啲成績,首三季營業額都有逾15巴仙增長到85﹒24億人仔,純利又
鏟高33巴仙到12﹒37億人仔,其實都唔太差。下個星期五(22日)公布全年度業績,最
終開大開細,以至管理層點解說,要到時先知啦!
  正所謂人棄我取,睇返佢個股價,由上個月26號到依家,差唔多撻低咗近26巴仙,星期
三(13日)仲穿咗百天線,但今日(15日)嚟個蜈蚣彈踢高逾2巴仙,有可能已經轉勢,但
唔好忘記佢放榜唔知是龍是鳳,穩陣D先喺現價22﹒25銀買入小小,下個星期睇實放榜成績
,之後再部署,當然要睇埋之後評級佬點樣評估;相反,如果放榜成績靚仔,現價買入博上
50天線(約24﹒547銀),都已經食咗近10巴仙。
  博客要強調,長飛穿百天線嘅機會真係好難得,加上5G佬今年都可能依靠炒波幅為主,而
唔係太睇業務成績,相信中線有可能重上今年高位31銀。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【etnet社創SoIN】無障畫創大賽 -「網上我最喜愛獎」公眾投票

【立即投票】「我最喜愛的社企計劃」全民投票

【etnet Bonus賞你】《野遊去保育》生態旅遊書