即市新聞

09/07/2019 11:58

《魚缸博客》領展獲基金推上「紅底」在望,現價追入仍有水位!

  《魚缸博客》話說最近「孖屐」個個都望住堆公用股同房託,因為花旗國話減息又唔減咁多
個款,大家都觸摸唔到,所以資金點都要搵啲嘢避險。領展(00823)最近表現真係叻仔又
靚仔,雖然呢一兩年股價都係Keep住慢慢升,但起碼係維持升勢,係呢個波動市入面已經係
最好選擇。
  最近股價不停破頂,大家都好似馬迷咁不同叫「衝!衝!衝!」,皆因股價已經接近百蚊大
關,所以缸友們有理由相信,班基金佬絕會推佢上「紅底」,如果現價入都仍然有小小水位!
  基本面分析下,點解大家咁睇好佢呢?主要大家對佢商場租務發展策略有信心。佢之前係咁
將香江啲商場打包賣出,拎咗一大堆現金流有咩做?就係每一年係神州買一個商場,前年就係廣
州,去年就係深圳。其實以租金計,或者未必夠香江fight,但係以人流及出租率計就一定
跑贏香江,何況神州商業發展日漸增長,隨住物價通脹不斷上升,領展大陸商場就有藉口加租,
所以可以睇到增長嘅願景。
  話說兩頭。其實好多香江地產佬都已經密密係神州落地生根,其中包括新世界
(00017)嘅K11購物中心,係上海等大城市嘅商場版圖愈做愈大,但增長勢頭會唔會持
續呢?呢個就好難講,因為要買地要自己興建,不論時間心機成本都多;相反財雄勢大嘅領展直
接「買」人哋個商場,快靚正之餘又睇得出班管理層有眼光。
  睇返領展月線圖,從2010年開始,股價都向上發展,呢種收息股真係可以做到財息兼收
嘅效果,短期先睇佢破百銀上「紅底」先,所以現價追仍有水位。買得呢隻股,可以考慮長揸收
息;如果佢個業務發展策略無變,未來股價再升都無難度,值得一戰!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱

【etnet Bonus賞你】Luke Sir曾智華新書《有盈退休》