即市新聞

11/07/2019 11:58

《魚缸博客》神州鐵鳥需求有改善,吼暑假旺季數據未炒高前掃貨!

  《魚缸博客》踏入7月又到暑假啦∼除咗係一眾小魔怪要去放電嘅時間,對好多行業嚟講都
係傳統旺季。今日博客就唔打算講馬交啲濠賭佬,反而轉講最近少提嘅神州鐵鳥,事關航空業需
求今年明顯有改善,相信喺基本因素支持下,鐵鳥們絕對有踢高空間。
  其實唔單止博客睇到呢個變化,高佬(高盛)其實都一早意識到,佢今日又放咗份報告,好
坦白咁話,對神州鐵鳥睇法轉為正面,因為預期需求會有改善,相信估值或者會獲得支持,順手
升返國航(00753)同東航(00670)個評級到「掃貨」。
  不過,高佬的確所言甚是,睇番最新一次載客量數據,以東航為例,5月載客量有
1087﹒18萬人次,比上年同期多逾8巴仙,客座率踢高逾半個巴仙至逾82巴仙。
  如果缸友們信唔過高佬,都聽下中金今個月初嘅睇法。中金講咗另一個因素,就係油魔,布
蘭特原油今年嚟已經按年跣低近16巴仙,的確有利鐵鳥,加上神州花旗貿易戰緩和返啲,匯率
風險都無咁大,所以外圍上的確都有力撐。
  至於基本因素方面,三大神州鐵鳥上年盈利表現都真係唔太好,東航純利更大劈逾五成七,
不過大行今年嘅盈利預測都向好,都係以東航為例,最保守嘅德銀都估可以上返69﹒21億人
仔,輕微比2017年多啲,但對缸友們嚟講已經係唔錯嘅消息。
  目前三大神州鐵鳥首半年嘅每月數據都唔太差,所以絕對可以憧憬下今個暑假旺季可以有驚
喜。至於部署方面,博客好坦白咁講國航、東航、南航(01055)而家嘅估值水平都喺低位
,所以都可以掃貨。加上三隻鐵鳥走勢上好相似,建議缸友可以吼佢哋回落到5至6月嘅低位掃
一掃貨,上望大概踢高一成半左右,等到下一次載客量成績表再出再部署。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

「港元定存息率」大比拼 食息都要食得醒 https://goo.gl/i9KA4Y
人氣文章
財經新聞
評論
專題
產品簡介

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱

【etnet Bonus賞你】Luke Sir曾智華新書《有盈退休》