即市新聞

10/09/2019 11:58

《魚缸博客》蘋果「唉瘋」發布會又到,舜宇話唔定好炒過瑞聲!

  《魚缸博客》又到9月份中期,心水清嘅缸友梗係知道要炒咩,無錯啦梗係手機設備股,因
為蘋果發布會將會係聽日(11日)凌晨舉行,預早入定小小貨都要。
  其實蘋果概念,來來去去都係炒個幾隻,唔係瑞聲(02018)就係舜宇
(02382),再唔係就係比亞迪電子(00285)或者鴻騰精密(06088),要落手
邊隻就要睇佢呢次有咩新野。
  拿,網上流傳啦,呢次「唉瘋」11,第一樣新突破就係行三鏡頭,第二樣就係有7種顏色
,重有就係充電連接位會再改為Type-C,而放棄Ligtning。第三樣就係3D T
ouch將會放棄同埋將會推出iOS 13。
  照網上流傳咁解讀,最大炒得起都應該係舜宇光學,因為佢點都係做鏡頭為主,喺「孖屐」
有主導地位。雖然目前「唉瘋」光學鏡頭都係來自寶島同泡菜國兩地,好似同舜宇無咩關係。但
有分析認為,蘋果想降低對鏡頭嘅,有機會舜宇喺2021年開始出貨6P鏡頭俾蘋果,對原本
供應商例如大立光、玉晶光等將會有不同程度影響。
  其實行內人士點都有機會提早收風,唔係舜宇點會連續創新高?加上瑞聲早前都放曬聲氣話
,將會開發其他安卓手機「孖屐」,點解要開發?某程度上都係因為蘋果訂單減少,減少主要原
因係因為蘋果公司想將零件貨源風險分散,避免好似過往咁,第一陣水供貨不足影響收入。
  所以點計算都係舜宇好炒過瑞聲,未來重有機會提高出貨量添!睇返舜宇股價,近日已經創
過歷史高位120﹒4銀。博客覺得今日急回四、五蚊係幾好嘅買入機會,喺蘋果手機推出後,
再度創新高都唔出奇,所以建議可以分段吸納股份,只要佢唔穿紅底都可以繼續死揸,每遇到跌
幅都可以溝貨。點解博客咁睇好,因為5G手機推出,換機週期啊!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱