即市新聞

11/09/2019 11:58

《魚缸博客》十一國慶旅客熱度不減,金沙現價起分段買入!

  《魚缸博客》仲有唔到一個月就到神州十一國慶啦,今年仲係七十大壽添,一連七日嘅黃金
周相信繼續會為唔同行業製造商機。不過,香江近月政局不穩,所以本地零售股等都喺唔好掂住
。博客建議大家留意返濠賭股好啲。睇返最近8月嘅賭收數據,連續兩個月下跌,的確令人失望
,但跌完之後接連幾日都有資金吸納賭股,仲慢慢掃番上來添。
  先同大家講下未來賭收嘅預測。馬交財政司就預測,九月份賭收仍然唔太理想,因為馬交第
三季整體服務出口可能會按年收縮。不過,大和噚日發表報告就話,9月份馬交博彩總收入會按
年增長3巴仙,至226﹒11億澳門元,而且貴賓廳轉碼數可能錄得按月7至8巴仙嘅升幅。
雖然兩者對九月嘅預測就有啲分歧,但無論點都好,博客對十月賭收嘅表現仍然有信心。
  根據神州網上旅遊產品平台喺上個月底發布嘅《2019國慶旅遊趨勢預測報告》,預計今
年國慶旅遊人次有望達到8億人,高過舊年嘅7﹒26億人次,當中出境遊客仲佔多數。而且,
近排人仔開始回穩,離岸人仔由7﹒2升返去7﹒1,都有助資金流入濠賭股。
  喺賭場貴賓廳生意下滑嘅趨勢之下,博客都喺比較睇好集中中場業務嘅金沙中國
(01928),而且管理層都強調,未來收入將會繼續由中場同高端中場業務帶起。另外,通
常九月中大行分析師就會開始調查,今年各酒店嘅訂房率,去估計黃金周遊客人次同埋賭收。如
果保持到九成以上嘅訂房率,對賭場生意有相當正面嘅作用。
  睇埋個公仔圖,金沙8月中同9月頭嘅兩個低位,築起咗兩個圓底,目前距離頸線即7月中
嘅高位約40﹒5銀仲有水位。另外,佢由九月頭低位34﹒2銀升返上來,以今日高位
38﹒5銀計算,累積升幅都有近一成三,走勢相當唔錯。博客建議,可以喺現價起分段吸納。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱