即市新聞

13/09/2019 11:57

《魚缸博客》政府勢收農地重啟公私營合作,恒地或成大贏家!

  《魚缸博客》政府近幾個月處理政局問題嘅表現,缸友有目共睹㗎啦,魚缸之前就剎晒車,
不過依家總算鏟高返啲。最近有缸邊消息話,政府想收返啲農地興建多啲公屋,想救一救民望。
博客就覺得今次係好時機啦,因為之前政府無壓力,由年頭講到政局問題發生之前都無聲氣,依
家無計可施而要出招挽救民意嘅機會極大,今次最受惠相信就係農地存貨達人恆地
(00012)。
  缸友可能好奇點解唔係新地(00016),博客知道大家睇咗大和同花旗份報告,話新地
唔反對港府收回農地,加快發展新市鎮同公屋仲好,加上過去幾年用低價積累咗巨大嘅住宅土地
,預期新地可能成為潛在得益者。不過,博客要提醒返,政府目前係想釋放土地,而唔係收多啲
住宅地,當然唔排除有利好,但數到最得益嘅一定係恆地囉!
  不過,最近關於地產佬嘅消息又點止咁少,噚日(12日)一手空置稅終於再有消息,發展
商如果未有轉售或者出租超過6個月嘅單位,就須繳交相當於應課差餉租值兩倍嘅空置稅,亦係
大約樓價5%。不過博客就覺得唔太利淡,一方面你有張良計,我有過牆梯,地產佬總有方法避
開空置稅,例如唔好太快起好層樓,另一方面方案一樣要喺立法會復會審議,之後都唔知幾耐先
完成二、三讀,所以缸友未需要太擔心住。
  講返恆地,中期成績表其實唔算好,純利按年少咗一半,得75﹒15億銀。雖然中期息同
上年一樣每股0﹒5銀,但上半年收入跌38巴仙到81﹒29億銀,除稅前盈利都減少46巴
仙到84﹒97億銀,缸友擔心係正常。不過,各大行都係信心十足,交銀國際、高盛、花旗都
依然畀緊「掃貨」評級!
  至於部署方面,恆地技術走勢同其他本地地產佬好相似,都好似係好緊見反彈,不過上個月
中見過35銀,今個月頭又見過35﹒6銀,好似有啲雙底跡象,所以建議缸友今個月睇定啲。
如果魚缸之後受消息利好踏高,短期可以博一博上百天線近41銀。如果睇好長遠受政府收地利
好,咗可以就要等一等,等個反彈浪完晒,進入回調浪,穿咗35銀關口之後,近今年頭33銀
水位就可以重新掃貨,上望今年高位44銀水平啦!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱