即市新聞

04/10/2019 11:53

《魚缸博客》「金九」內房被低估?碧桂園同恒大買邊隻好?

  《魚缸博客》話說成個「金九」都係悶局,傳統濠賭、消費、內房都係炒唔起,一來香江政
治事件影響到孖屐個氣氛,二來大家都覺得神州經濟都唔多好,所以都對相關板塊無太大期待。
  點知今日(4日)內房兩位大隻佬碧桂園(02007)同恆大(03333)同樣公布銷
售數據,9月份合同銷售額按年升四成同三成幾,博客睇完份數據,不禁講句:「哇,大家九月
好似發緊夢咁,有咩理由睇唔到啊?」
  或者大家都俾港股個氣氛影響,以為神州個經濟同香江一樣咁差,點知原來大家都低估咗內
房銷售能力,係呢個市道底下,兩名大隻佬都可以keep到呢個銷售額按年增長,真係神奇、
頂級、超卓,所以今日好多人立即追貨,怕錯過埋個「銀十」。
  相信唔少人都會問,大隻佬有兩個,但錢就得一注,究竟點入手好呢?博客個人意見就覺得
,安全小小就買碧桂園,畢竟佢係恆指成分股,有基金同大戶係背後出貨入貨,相對地未必升得
咁快,但風險就低啲;但如果你係承受得起風險,買恆大可能係一個唔錯選擇,因為過往恆大抽
升都係45度角向上,而且目前恆大股價日線圖都係底部,算係可以撈嘅目標。
  短炒咁計,注碼一樣的話,博客覺得不如優先考慮下恆大,畢竟指數股受大市氣氛影響,基
金要局住出貨,依家呢個悶局二萬六關應該選擇炒股不炒市策略。當然啦,其實佢哋兩個都叮噹
馬頭,大家可以考慮自己可承受風險入手。
  暫時博客都覺得兩隻可入手,恆大現價追入無有怕,底部可睇16銀,失守就要走,短期反
彈可先睇20銀關;碧桂園今日抽一大棍,現價追都可以,但第一個阻力位可能係12銀左右,
只要唔穿10銀都可以守住。祝大家10月贏多啲!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱