即市新聞

08/10/2019 11:58

《魚缸博客》憧憬貿談短期有利好消息刺激,萬洲現價可分段買入!

  《魚缸博客》今個星期嘅重頭戲放返喺花旗國同神州嘅高級別經貿會談度,花旗國總統侵侵
(特朗普)就釋出善意,話同神州達成貿易協議嘅機會都好大,但就強調要達成全面嘅協議,而
神州就表示希望縮窄談判嘅範圍。聽落似乎大家嘅目標都有啲出入,不過短期傳出部分利好消息
嘅可能性仍然大,尤其係喺農業採購方面嘅行動,所以短炒隻豬肉佬萬洲(00288)值博率
都幾高。
  事關喺上兩個星期正式醞釀緊呢個星期四(10日)、五(11日)嘅高級官員會談之前,
神州已經開始返採購花旗國嘅大豆,而且神州目前喺穩定國內豬價都做左唔少功夫,但都未見明
顯成效,顯示豬肉孖屐仍然係求過於供。再加上,對比起其他相對難妥協嘅議題,例如知識產權
、強制技術轉移等,其中一個議題 農業就比較容易攞到共識,所以放寬花旗國豬肉入口嘅關稅
措施,係相對可行嘅協議。
  另外,萬洲將會喺今個月尾(28日)公布業績,高佬(高盛)就發表研究報告,指萬洲喺
花旗國同神州嘅業務都會有強勁嘅復甦,其中喺花旗國嘅豬肉製品公司Smithfield嘅
利潤更加會double;預計第三季盈利可以按年升三成三,比萬洲「買貨」嘅評級,「他屐
」睇9﹒6銀。
  睇埋個公仔圖,近日萬洲走勢都貼近保歷加通道嘅中軸,亦即係20天線約7﹒08銀個位
置,目前通道底部同MACD熊差距亦有收窄嘅跡象,短期再大跌嘅機會唔太大。博客建議,可
趁貿談未開波前以現價分注買入,短線博佢喺貿談好消息帶動下,上望7﹒5銀,以及業績後重
上8銀嘅水平。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet Bonus賞你】好好社企 中秋精選月餅禮盒

【etnet Bonus賞你】領展TKO Gateway便攜式香薰機

【etnet Bonus賞你】荃灣千色匯及元朗千色匯 x 韓國紙雕插畫藝術家Soo Min Kim 消暑手搖沙冰杯+簡約家用收納箱