即市新聞

07/11/2019 11:58

《魚缸博客》長江生技旗下疫苗話唔定係藍海,小注入貨唔好執輸!

  《魚缸博客》俗語有話,「信誠哥,無甩拖」,所以誠哥投資嘅野,點都係信心保證,缸友
成日都笑,究竟誠哥會唔會唔投資長生不老藥呢?可能做緊我地都唔知呢?不過,最近佢旗下個
隻長江生命科技(00775)突然落鑊,我見隔離三姑唔知乜事又跟住入貨,好似執輸行頭慘
過敗家咁款。
  博客只信數字同公告,一切都係以呢兩樣為準。話說噚日公司出左份公告,就係話附屬公司
係花旗國研究黑色素瘤抗原疫苗免疫療法有新進展,所以股價就炒上去啦。
  博客唔係乜野生物學專家,都唔係乜白色巨塔神醫,不過都有小小對治病嘅認知。佢講嘅「
黑色素瘤」,其實係皮膚癌一種,例如突然間有一個部位出現黑色一達野咁,如果佢不斷擴大的
話,就要進行手術切割,或者再進行發射性治療。而呢種「黑色素瘤」,佔多大部分都係惡性腫
瘤,加上西方人患皮膚癌嘅機率比我地東方人高出三倍,所以點解d白人咁驚就係咁解,亦都可
以解釋點解長江生技噚日就坐火箭爆升超過一倍!
  而長江生技研發個種,係疫苗種類,意味住第日唔使做手術,可能打針食藥就ok,公告話
佢將會公布呢隻疫苗數據,包括臨床入面患者對呢隻疫苗有咩反應咁,佢入面提到一句「疫苗初
始數據令人鼓舞」,就成為佢股價炒起原因。
  博客就咁睇,癌症藥從來都係最賺錢嘅藥,但都要睇客路,本身黑色素瘤就唔係常見癌症類
別,但呢種疫苗療法可能比做手術根除性更高,更有效,而且係目前為止未出現過嘅疫苗,所以
作為頭淡湯同獨家「孖屐」,雖然係細,但係屬藍海,值得入小小貨。
  重點係,公告尾已經講,呢隻疫苗已經去到第三臨床階段。事實上,可以獲得花旗國FDA
通過嘅藥物或疫苗,冇返十年八載都唔駛旨意,而到達第三臨床階段亦即係意味住已經過咗好幾
年嘅時間,如果順利嘅話,3幾年內嘅事(好彩的話)就可以申請商業化。
  博客覺得,佢而家雖然裂口咁升上去,但價位都係蚊幾一股,咪當買係度放住都無死,好過
第日佢飛到上幾十蚊,你就dump心口就無謂啦。
  博客心態係咁,其實係建議手頭上有幾皮野、輸左又唔痛嘅缸友,買左,放係倉底,等佢三
幾年可能升10倍,買個希望。因為博客覺得第三階段意味離商業化階段不遠,係可以望到個盡
頭,所以值得入手,但強調係買小小好啦,當買六合彩。頂就唔估啦,但短期炒家的話,暫時睇
住9毫子呢個關,穿9毫就好走啦!
 
  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet社創SolN】有種‧成長之和「孩」共處同樂日 – 立即報名

【etnet Bonus】賞屯門市廣場 Hello Kitty精美木製餐具

【etnet Bonus賞你】The East x香港電車聖誕禮物包