即市新聞

02/12/2019 11:58

《魚缸博客》康師傅現價追入水位唔高,13﹒5銀見初步阻力!

  《魚缸博客》早排兩隻即食麵股清仔(01475)同統一(00220)放榜之後,股價
都走晒樣,不過同板塊嘅康師傅(00322)就表現得唔錯。
  大行大摩早前(11月28日)就發表研究報告指,話睇好康師傅喺即食麵「孖屐」嘅市佔
率會進一步上升,因為大廠商相對有規模優勢,而且喺高端市場有穩健地位,渠道能力強又能夠
跟貼趨勢,最新上調康師傅嘅評級至「增持」,「他屐」睇14銀,仲睇好佢股價喺未來30日
內有七至八成機會上漲。
  不過,仔細睇番以上三隻即食麵股嘅業績表現,康師傅盈利增長同毛利率都唔夠另外兩隻好
,今年中期業績分別上升一成五同毛利率為31﹒9巴仙。而日清中期盈利增長近四成二,毛利
率上升至32﹒2巴仙,第三季仲進一步上升至32﹒8巴仙。至於統一嘅毛利率就最高,中期
達36﹒6巴仙,盈利增長接近四成,但第三季盈利就放緩至兩成八。
  睇埋股價方面,康師傅上星期飆近6巴仙,一度突破8月尾嘅高位(約12﹒9銀),但呢
兩日出現回吐,今日更逆市走低,反映營運表現理想嘅憧憬已經大致反映。加上康師傅呢輪由
10月尾低位(10﹒24銀)至今累漲兩成二,短期有獲利誘因,預料喺今年6至7月嘅密集
平台區約13﹒5銀水平有較明顯嘅阻力。要作中線部署嘅,不妨等佢回落番上月橫行區
12﹒2銀再小注買入。
  
  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【Keep住更新】口罩供應 - Ones專業禮品訂製公司接受口罩訂購