即市新聞

04/12/2019 12:01

《魚缸博客》魚缸悶局炒內需,憧憬年尾購車潮可吼廣汽!

  《魚缸博客》中美貿談唔明朗,近日花旗國總統侵侵仲話,佢唔急簽協議,等到明年大選後
更好,嚇到一班缸友急急腳避險,即刻買入貴金屬相關股。除咗黃金類股份,博客認真望一望,
汽車股好似仲有D水位,加上唔少人都中意農曆新年前買車過年,不妨留意一下廣汽
(02238)。
  本周,神州工信部同有關部門起草《新能源汽車產業發展規劃(2021-2035年)》
,並向社會公開徵求意見,提到完善新能源汽車購置稅等稅收優惠政策,優化分類交通管理、金
融同保險等支持措施。意見入面仲提出到2025年新能源砵砵車銷售佔比達到兩成半,可見阿
媽對未來新能源砵砵車產業嘅關注。
  其實,廣汽除咗自主研發並銷售傳統砵砵車,早喺2017年個陣仲成立廣汽新能源公司,
研發新能源汽車。雖然而家廣汽仍以傳統汽車銷售為主,但因為大勢所趨,近年開始投放更多資
源喺新能源汽車上面。其中,旗下今年3月底預售嘅新能源車型,喺7月起就一直穩居新能源乘
用車銷量榜單前四名,佔「孖屐」逾6巴仙份額,業務發展前景可觀。
  大行大和都睇好第四季神州砵砵車銷售,佢估計11月神州砵砵車銷售按月跌幅收窄。另外
,加上上年第四季基數低,估計今年第四季汽車銷售會改善,加上明年農曆新年比較早,有望谷
起本季銷售,並且睇好廣汽給予「買入「評級,「他屐」20銀。其他大行都唱好廣汽,瑞銀相
信有最強勁產品線嘅廣汽會脫穎而出,升「他屐」至10銀,維持「買入」評級。而麥格理則予
「跑贏大市」評級。
  從公仔圖睇,近期佢都喺保力加通道中軸至頂部反覆上行,並且有向上突破嘅趨勢。另外,
MACD線最近都結束左雙線交疊嘅橫行區,並出現快線升破慢線嘅「黃金交叉」,相信近期股
價有繼續上升嘅趨勢。博客建議可以等股價回調至保力加通道中軸附近約8﹒47銀吸納,若股
價跌穿通道底部約8﹒11銀就要止蝕。
 
  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet社創SolN】有種‧成長之和「孩」共處同樂日 – 立即報名

【etnet Bonus】賞屯門市廣場 Hello Kitty精美木製餐具

【etnet Bonus賞你】The East x香港電車聖誕禮物包