即市新聞

14/01/2020 12:01

《魚缸博客》行業大佬兼進軍神州眼療孖屐,德視佳現價吼入!

  《魚缸博客》神州呢個龐大市場,人口紅利多,自然對醫療需求增加。尤其神州小朋友D打
機趨勢愈來愈烈,幾歲都開始接觸電子產品,眼睛疾病自然相應增加。特別係視力矯正「孖屐」
,相信潛力無限,所以博客今日推薦大家買德視佳(01846)!
  德國醫療質素一直係世界醫療市場位居前列,而德視佳正是德國第一視力矯正連鎖診所品牌
,佢係為數不多嘅具有廣泛地理覆蓋範圍嘅眼科診所集團之一,喺德國、丹麥及神州運營業務。
業務主要為18至45歲,主要尋求屈光性激光手術或後房型人工晶體(ICL)植入術治療近
視、遠視或散光嘅人群;同埋45歲以上,主要尋求屈光性晶體置換手術治療老花眼或白內障嘅
人群。喺德國及丹麥嘅市場份額分別達到13﹒2巴仙同10﹒8巴仙,具領導市場地位。
  根據弗若斯特沙利文報告,去年底,約九成20歲神州年輕人患有近視,同年中低度近視及
高度近視的人口分別達約4﹒68億及1﹒12億。另外,目前屈光手術在神州孖屐滲透率極低
,德國孖屐滲透率係神州嘅三倍,但人口規模則為後者的十分之一。既然神州孖屐咁大潛力,它
已經積極係當地布局。近日正式進軍福州,診所是公司繼上海、北京、廣州、深圳、杭州、重慶
後嘅第八家神州診所,預計今年10月開業。反映公司對市場嘅野心。
  另外,德視佳嘅行政總裁係上個月,從公開市場以每股平均價約8﹒72銀購買合共
67﹒8萬股,呢下增持反映公司老闆都覺得自己公司發展潛力。
  睇返股價走勢,它由上年10月上市至今已經不斷整固,相信目前已經築底。目前股價暫時
三連升,今日亦出現一枝大陽燭突破,目前升幅超過6巴仙,相信係轉勢嘅先兆。博客認為進取
投資者現價可入,保守D嘅就上返10銀的心理關口先追入,短期先上望10﹒5銀,投資者同
時可以作中長線買入之選!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet新春賞你】皇室堡 x Pete and Gulu「乾淨『企』理衣物籃」乙個

【etnet社創SolN】有種‧成長之和「孩」共處同樂日 – 立即報名

【etnet新春賞你】LEE GARDENS利園區「迎春接福利是封」一套