即市新聞

12/02/2020 11:56

《魚缸博客》香港電視炒高後抽水係咪有伏?博客同你解讀下!

  《魚缸博客》最近「孖屐」成日講緊隻香港電視(01137),正所謂「維基化解危機」
,主席又話自設廠房生產口罩,又幫大家係全球搵貨源,人民英雄咁款,連股價都破埋新高見7
﹒3銀。
  之但係,昨晚公司就宣布,會折讓一成四發行9000萬股新股抽水,金額達4﹒5億,大
家都不禁驚訝:「哇,炒高再配售,呢下財技高招啊!」首先係唔係財技就真係見仁見智,如果
隻股係伏嘅,佢發幾多新股都唔會有人買;而係而家呢個弱市底下,如果真係配售有人包晒底,
又銷情好,咁又點計呢?
  股票世界,股價飆升,公司抽水,只能話係人之常情,問題係抽水之後重有無得升先係重點
。睇返公司1月份數據,其實銷情都唔錯,都係因為賣口罩賣消毒藥水啦,但唔知大家有無發現
倒,其實HKTV MALL學晒淘寶順豐嗰套,上網訂完之後就係屋企最近嘅據點拎貨,解決
咗之前班客話送貨太慢嘅不足。
  香港電視有實業,有客仔,有數返,呢一次抽水係咪就表示佢係財技股呢?博客又覺得言之
上尚早,博客反而認為佢經營個線上銷售開始有成績出現,代表係收成期開始,其實股價逐步攀
上都正路,但一棍升兩成幾就有小小過份,所以呢下抽水既可以吸下金,又可以解決股份升得過
急,正路啊。
  睇返圖表,公司股價有段時期長期橫行喺3銀左右,近呢一兩個月就開始逐步上,博客認為
,考慮到公司營運數據,而家股價合理值係4銀至5銀之間,如果跌穿5銀就可以掃一轉,只要
唔失4銀都可以繼續持有,股價催化劑會係公司未來幾個月數據同埋業績。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

etnet財經‧生活App   財智‧健康‧品味生活     【立即下載】  iOS版 / Android版
人氣文章
財經新聞
評論
專題
產品簡介

【etnet新春賞你】皇室堡 x Pete and Gulu「乾淨『企』理衣物籃」乙個

【etnet社創SolN】有種‧成長之和「孩」共處同樂日 – 立即報名

【etnet新春賞你】LEE GARDENS利園區「迎春接福利是封」一套