即市新聞

25/03/2020 11:58

《魚缸博客》魚缸氣氛轉好,美團(3690)現價值得吸納

  《魚缸博客》繼花旗國聯儲局宣布無限QE後,「孖屐」又開始憧憬國會通過2萬億美金嘅
刺激經濟措施,大市急彈,香江魚缸喺今日亦都重上十天線(約22904點),博客認為現時
「孖屐」情緒開始趨向穩定,宜家不妨趁低吸納優質嘅科網股,尤其睇好ATM中嘅美團點評(
03690)。
  聽講花旗國民主黨同共和黨兩黨已接近就2萬億美元嘅抗疫經濟刺激大計達成共識,如無意
外相信計劃可以喺近日通過,「孖屐」嘅恐慌情緒大大緩和。大行大摩最近亦都話,花旗國各地
實行嘅封城措施明顯見效,相信花旗國魚缸同經濟會比預期更快反彈,經濟有可能喺幾個禮拜內
重啟,魚缸可反彈四成。如果真係咁,相信香江魚缸亦都會隨外圍齊齊彈起,當中科網股作為主
力軍,反彈力亦會更加突出。
  另外,神州現時疫情已經穩定,連重災區武漢亦將喺下個月8號解封。內需市場慢慢恢復,
而「孖屐」開始憧憬阿爺會出咩招刺激經濟。而美團作為神州市佔率最高嘅外賣APP,餐飲外
賣業務有望受惠。加上佢由上年第三季就已經虧轉盈,溢利亦錄得環比增長,外賣業務潛力依然
很大,公司長線發展潛力大。
  睇返公仔圖,佢由月初至19號已經累計下跌三成,股價調整後風險同回報率變得更吸引。
現階段股價仍處於較低的位置,而且外圍環境有好轉跡象,相信其未來走勢會轉強,缸友不妨現
價吸納,作中長線部署。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【Keep住更新】口罩供應 - 蓬瀛仙館免費派發口罩