即市新聞

27/03/2020 12:00

《魚缸博客》維亞生物高增長兼業務模式具想像空間,現價可入!

  《魚缸博客》魚缸從來都有唔少被低估或者未被留意嘅靚仔魚毛,搏客就留意到一隻,最近
仲要入埋港股通,佢就係維亞生物(01873)啦!
  維亞生物係神州藥物發現服務供應商,為客戶提供早期藥物發現嘅服務內容幾多種類,包括
涵蓋靶標蛋白的表達與結構研究、藥物篩選、先導化合物優化直到確定臨床候選化合物。
  簡單嚟講叫合同研發組織公司(Contract Research Organiza
tion),即係啲藥企將研發新藥外判比呢啲公司去做藥物發現,從而減輕自己嘅新藥研發成
本。博客相信,呢個將來係藥物行業其中一個大賣點,因為依家神州實行「帶量採購」措施,一
隻藥會同時比幾間藥企以價低者得中標,然後自己再瓜分市場,但利潤已經被壓榨得好低。但當
研發新藥能力強嘅藥企可以做到獨家新藥,再比國家採購,市場就可以自己拎哂,利潤就會更高
。但唔係間間藥企都有咁多錢去研發新藥,因為研發新藥係漫長過程,成本高,成功率又低,所
以唔少藥企都會外判藥物發現等研發新藥步驟比呢類合同研发?织公司做。按弗若斯特沙利文嘅
預測,環球藥物發現外包市場規模到2022年將達到156億美金,複合年增長率為8﹒9巴
仙,中國市場同期嘅複合年增長率更高達28﹒7巴仙。數據反映「孖屐」潛力仲係好大!
  另外,維亞生物嘅業務模式具想像空間,一般而言,早期藥物發現外包服務主要採用傳統的
CFS(服務換現金)模式,即向客戶收取現金服務費。而佢嘅EFS(服務換股權)向佢特選
嘅客戶及所投資嘅生物科技公司提供藥物發現同埋孵化服務,以換取呢啲客戶嘅股權或經濟利益
。即係當佢投資嘅公司有盈利之後而退出股權,就已經係業績嘅額外「彩蛋」。加上佢已經發盈
喜啦!舊年預期純利按年增逾1﹒8倍,即約2﹒54億銀人仔。所以業績隨時有機會繼續高增
長!佢就會係下星期一公布全年業績。
  按照佢盈喜公告所估計收益,同按當前股價4﹒2銀計,維亞生物嘅預期市盈率大約只有2
0多倍,對於一家生物技術公司來說,估值絕對唔算太高。
  睇返公仔圖,佢上市至今依然係平均約3﹒5銀至5銀區間上落,短期內5銀阻力好大,所
以目前只合適炒波幅。博客建議現價入,短線看4﹒5銀。如果4﹒5銀企穩,可上望5銀!

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【Keep住更新】口罩供應 - 蓬瀛仙館免費派發口罩