即市新聞

19/05/2020 11:58

《魚缸博客》全國兩會後日開鑼,碧桂園(2007)憧憬政策刺激

  《魚缸博客》中國人民政治協商會議全國委員會會議及全國人民代表大會,將喺今個星期四
(21日)及星期五(22日)開鑼,以往「兩會」內地政府總會推出一啲經濟刺激措施,當中
唔少得住房同基建相關嘅提振,都係時候入定啲內房佬吼炒上。
  之前有唔少內地城市試過放寬限購,但喺好短時間內就收返相關政策,反映官方都幾堅持「
住房不炒」,所以唔好對樓價大升有咁高期望。同時,之前有消息傳出「兩會」唔會設定全國經
濟增長目標,可能減少地方政府提振經濟嘅誘因,呢啲都係板塊嘅利淡因素,提一提缸友先。
  不過,今年首季神州GDP錄得有紀錄以來倒退,所以提振樓市依然有佢嘅必要性,受惠嘅
自然會係一啲大型內房,佢哋資本雄厚(雖然負債都多),投地方面會較有優勢。地段方面,落
重注喺人均收入較高嘅珠三角嘅碧桂園(02007)先睇高一線,集團土儲有兩成位於廣東省
,其餘土儲就遍布全國,可謂可攻可守,而集團亦以「全國廣泛而均衡嘅土地布局」為目標。另
外,上月尾集團以48億人仔買咗重汽集團房地產開發公司全數國有產權及債權轉讓項目,轉讓
資產包括10個已開發項目,3個未開發存地項目。其中在未開發存地項目,按照容積率計,住
宅同商業部分總建築面積可以超過170萬平方米。
  另外,喺4月,集團歸屬股東權益嘅合同銷售建築面積約589萬平方米,比去年同期增加
逾16巴仙,反映公司復甦速度都幾快。相信喺憧憬政策刺激下,業務表現可以更好。隻股目前
十蚊樓下,隨時可以入手,息率已經逾6厘,短炒長揸都無壞。

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」