即市新聞

20/05/2020 11:58

《魚缸博客》中手游有新Game上市,今日現大陽可繼續追!

  《魚缸博客》手遊股呢一期真係輪住炒,先係騰訊(00700)業績靚仔已經被人炒高一
輪,跟住心動公司(02400)45度角向上攀升,今日就到中手游(00302)開始發威
,一支大陽抽高,升一成幾。
  突然爆升都唔係無原因。翻查資料,中手游旗下有隻新Game《魔域覺醒》係5月初上市
,反應好似幾唔錯,一來佢係網頁遊戲,唔使下載唔使買貴電腦,直接開機就可以玩;二來呢個
IP本來就略有名氣,可以吸引一堆舊玩家回籠。
  你會問,網頁遊戲仲有市場咩?
  咁你就有所不知啦,而家嘅網頁遊戲唔似我地細個玩嘅Flash Game咁小學雞,不
論系統、畫像質素都有咁上下,重點係網頁遊戲多數用舊IP為主,係希望吸引老機迷回味下,
成本比較低。
  重點嚟啦,呢種網頁遊戲一定會有商城。當年嘅小朋友變成而家嘅大朋友,有搵錢能力自然
有課金能力,所以意味住如果隻Game反應唔錯的話,商城系統就出好多五花八門道具吸金,
賺死人咩!
  所以相信中手游呢隻Game短期內吸金能力唔錯,今日支大陽算係出得遲。呢隻股由高位
3﹒71銀跌落2﹒37,就算今日升一成幾,短期內相信仍有水位,加上疫情未完全受控,「
宅」經濟繼續有炒作,現價追入值博率相信頗高,第一關先看三蚊,到位先食一半,等佢轉角就
沽清就差不多啦! 

  《編者按》本欄搜羅即市傳聞,惟消息未經證實,《經濟通》亦不保證內容之準確性。

新型肺炎專輯 - 最新疫情發展和防疫貼士即睇

人氣文章
財經新聞
評論
專題
產品簡介

用經濟通App睇實股價 一按買入/賣出直達銀行或券商App落盤

【etnet一App通天下】獨家「銀行匯率比較」功能 匯市靚價一眼通 一按直達交易商

【健康集氣 友享有賞】疫境自強 第五激 賞Health Smart 「健體強身抗菌禮品包」